NEET Paper Leak Case : NEET पेपरफुटीप्रकरणी आता कसून तपास केला जात असून घडामोडी वेगानं घडायला लागल्या आहेत. कालच या प्रकरणातील मास्टरमाईंड माजी प्राध्यापक पी. व्ही. कुलकर्णी याला पुण्यातून अटक करण्यात आली होती. त्यानंतर आज आणखी एका महिला प्राध्यापिकेला पुण्यातूनच अटक झाली आहे. त्यामुळं एकच खळबळ उडाली आहे. NEET ची परीक्षे घेणाऱ्या NTA च्या पॅनलमध्ये या प्राध्यापिकेचा समावेश होता.
साम टीव्हीच्या वृत्तानुसार, ताज्या कारवाईमध्ये प्रा. मनिषा मांढरे या प्राध्यापिकेला पुण्यातून अटक करण्यात आली आहे. प्रा. मांढरे या जीवशास्त्राच्या वरिष्ठ प्राध्यापिका आहेत. पेपर सेट करण्याच्या पॅनेलमध्येच या प्राध्यापिकेचा समावेश होता. प्राथमिक चौकशीनंतर अखेर प्रा. मांढरे यांना पुणे पोलिसांनी अटक केली आहे.
प्राध्यापिका मनिषा मांढरे यांनी NEET परीक्षेसाठी विशेष कोचिंग क्लासेस चालवले होते. तसंच या परीक्षेत येणाऱ्या प्रश्नांची आधीच माहिती या दोघांनी विद्यार्थ्यांना दिली होती. तसंच पाठ्यापुस्तकात या प्रश्नांची नोंद करण्यासही त्यांनी सांगितलं होतं, असा आरोप सीबीआयनं केला आहे. त्यामुळं आता या दोघांची सखोल चौकशी झाल्यानंतर याचे धागेदोरे आणखी कोणाजवळ जातात हे पाहावं लागणार आहे.
दरम्यान, यापूर्वी पुण्यातून अटक करण्यात आलेला प्रा. पी. व्ही. कुलकर्णी आणि ब्युटीपार्लर चालवणारी व्यावसायिक महिला मनिषा वाघमारे या दोघांना सीबीआयकडून आज दिल्लीच्या रोझ अव्हेन्यू कोर्टात हजर करण्यात आलं. या दोघांना १४ दिवसांची कोठडी ठोठावण्यात आली असून याबाबतचा निकाल राखून ठेवला आहे. संध्याकाळी ५ वाजता हा निर्णय घोषित केला जाणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.