Bidkar vs Dhangekar : गणेश बीडकरांच्या विरोधात धंगेकर मैदानात, हायव्होल्टेज लढत; 2017 ची पुनरावृत्ती की बदला?

PMC Electin : उमेदवारी अर्ज मागे घेण्याच्या मुदतीनंतर पुणे महापालिका निवडणुकीच्या उमेदवार कोण असणार याचे चित्र स्पष्ट झाले आहे. प्रभाग क्रमांक २४ मध्ये हायव्होल्टज लढत होणार आहे. बीडकर विरुद्ध धंगेकर असा थेट सामाना येथे होणार आहे.

भाजपचा पहिला उमेदवारी अर्ज गणेश बीडकर यांनी प्रभाक क्रमांक 24 मधून दाखल केला होता. त्याच प्रभागात त्यांच्या विरोधात माजी आमदार रवींद्र धंगेकर यांचे पुत्र प्रणव धंगेकर लढत आहेत.

2017 च्या महापालिका निवडणुकीत अटीतटीच्या लढाईत रवींद्र धंगेकरांनी गणेश बीडकरांचा पराभव केला होता. त्यामुळे यंदाच्या निवडणुकीत प्रणव धंगेकर यांचा पराभव करत परतफेड करण्याची संधी बीडकरांकडे असणार आहे.

प्रतिभा धंगेकर देखील मैदानात

रवींद्र धंगेकर यांच्या पत्नी प्रतिभा धंगेकर या देखील निवडणुकीच्या मैदानात उतरले आहेत. प्रभाग क्रमांक २३ रविवार पेठ-नाना पेठेमध्ये प्रतिभा धंगेकर त्या शिवसेनेच्या उमेदवार आहेत. त्यांचा सामाना राष्ट्रवादी काँग्रेसच्या सोनाली आंदेकर यांच्यासोबत होणार आहे.

भाजप-शिवसेना युती तुटली

अर्ज मागे घेण्याच्या दिवसापर्यंत शिवसेना आणि भाजप युती होईल, अशी शक्यता कार्यकर्त्यांना वाटत होती. मात्र, ही युती होऊ शकली नाही. त्यामुळे बीडकर आणि धंगेकर यांची लढत होणार हे निश्चित झाले. दरम्यान, रवींद्र धंगेकर यांनी काही दिवसांपूर्वी धंगेकरांच्या रक्तात लढणे आहे, असे म्हणत आपला मुलगा निवडणुकीच्या मैदानात उतरणार असल्याचे सांगितले होते.