Pune Land Scam : गाजलेल्या पुणे जमीन प्रकरणात पोलिसांची पहिली मोठी कारवाई; मुख्य सुत्रधाराला ठोकल्या बेड्या

Pune News : मुंढवा भागातील 40 एकर जमीनच्या गैरव्यवहार प्रकरणात मोठी अपडेट समोर आली आहे. मुंढवा येथील जमीन गैरव्यवहार प्रकरणी मुख्य सूत्रधार असलेल्या शितल तेजवानीला बुधवारी दुपारी पोलिसांनी अटक केली. अमोडीया येथील जमीन गैरव्यवहार प्रकरणी पॉवर ऑफ ऑटर्नीचा गैरवापर केल्याप्रकरणी तेजवानीला अटक करण्यात आली. पार्थ पवार यांच्या कंपनीला तेजवानी यांनी बेकायदेशीररित्या जमिनीची विक्री केली होती. या प्रकरणाची गेल्या काही दिवसापासून चौकशी सुरु होती.

मुंढवा भागातील 40 एकर जमीनच्या गैरव्यवहार प्रकरणात मोठी अपडेट समोर आली आहे. या व्यवहारात सहा कोटींचे मुद्रांक शुल्क न भरता शासनाची फसवणूक केल्या प्रकरणी यापूर्वी जिल्हा निबंधक संतोष हिंगाणे यांनी बावधन पोलिस ठाण्यात फिर्याद दिली होती. त्यानुसार तिघांवर गुन्हा दाखल झाला होता.

गुन्हा दाखल झालेल्यांमध्ये दिग्विजय पाटील, शीतल तेजवानी आणि निलंबित सहदुय्यम निबंधक रवींद्र तारू यांचा समावेश होता. तारू यांच्या निलंबनानंतर गुन्हा दाखल झाल्यानंतर तारु यांच्या अडचणीत वाढ झाली आहे. तर दुसरीकडे या प्रककरणाशी संबंध असलेल्या मुख्य सूत्रधार असलेल्या शितल तेजवानीची चौकशी सुरु होती.

दरम्यान, बुधवारी दुपारी तेजवानीना पोलिसांनी अटक केली. दरम्यान, बुधवारी दुपारी मुंढवा येथील जमीन गैरव्यवहार प्रकरणी मुख्य सूत्रधार असलेल्या शितल तेजवानीला बुधवारी दुपारी पोलिसांनी अटक केली. अमोडीया येथील जमीन गैरव्यवहार प्रकरणी पॉवर ऑफ ऑटर्नीचा गैरवापर केल्याप्रकरणी तेजवानीला अटक करण्यात आली.

दरम्यान, या जमीन व्यवहार प्रकरणात उपमुख्यमंत्री अजित पवार यांचे पुत्र पार्थ पवार यांच्यावर आरोप करण्यात येत होते. या प्रकरणात मुख्यमंत्री देवेंद्र फडणवीस यांनी चौकशीचे आदेश दिले आहेत. दरम्यान, अजित पवार यांनी पार्थ पवार यांच्यावर होत असलेल्या कथित जमीन गैरव्यवहार प्रकरणाशी माझा कोणताही संबंध नसून, आजपर्यंत कोणत्याही नातेवाईकाच्या कामासाठी कोणत्याही अधिकाऱ्याला मी कधीच फोन केलेला नाही, असे सांगितले होते.