PMC Election : राष्ट्रवादीत आमदारकीचा उधळलेला गुलाल दोनवेळा वाया गेला; आता भाजपमध्ये जाताच नगरसेवकपदाच्या बॅनरता लावण्याचा उतावळेपणा

Pune MahaPalika News : 2019 आणि 2024 या दोन्ही विधानसभा निवडणुकीमध्ये खडकवासला विधानसभा मतदारसंघातून राष्ट्रवादी काँग्रेसकडून सचिन दोडके यांना संधी देण्यात आली होती. दोन्हीही निवडणुकीमध्ये भाजपच्या भीमराव तापकीर यांनी त्यांना धूळ चारली. पण या दोन्ही निवडणुकांचा निकाल जाहीर होण्यापूर्वीच सचिन दोडके यांनी गुलाल उधळत आपण आमदार झाल्याचा आनंद साजरा केला होता.

यंदाच्या विधानसभा निवडणुकीतही भीमराव तापकीर विरुद्ध सचिन दोडके अशी निवडणूक झाली. मतदान झाल्यानंतर सचिन दोडके यांनी आपणच विजयी होणार असा दावा केला होता आणि गुलालही उधळला होता. मात्र निवडणूक निकालानंतर तब्बल 50 हजार मतांनी सचिन दोडके यांचा पराभव झाला असल्याचा समोर आलं. दोडके यांचा असाच उतावळेपणा पुन्हा समोर आला आहे. त्यांच्या कार्यकर्त्यांनी मतदान होताच नगरसेवकपदी निवड झाल्याचं घोषित करत लावले बॅनर प्रभागामध्ये लावले आहेत.

विधानसभा निवडणुकीनंतर सचिन दोडके यांनी राष्ट्रवादीला (NCP) सोडचिट्टी देत भाजपमध्ये प्रवेश केला. भाजपच्या कमळ या चिन्हावर यंदा ते महापालिकेच्या निवडणूक रिंगणात उतरले आहेत. भाजपमधून त्यांच्या प्रवेशाला अंतर्गत विरोध देखील झाला. मात्र त्यानंतर देखील त्यांना भाजपाने उमेदवारी दिली आणि ते निवडणूक रिंगणात उतरले होते.

आता भाजपा (BJP) कडून निवडणूक लढवल्यानंतरही सचिन दोडके यांचा उतावळेपणा पुन्हा एकदा समोर आला आहे. दोडके यांच्या कार्यकर्त्यांनी मतदान होताच नगरसेवकपदी निवड झाल्याचं घोषित करत प्रभागामध्ये बॅनर लावले आहेत. त्यामुळे दोनदा गुलाल उधळून देखील पराभव झाल्यानंतर आता तरी नगरसेवकपदाच्या निवडणुकीमध्ये यांच्या कार्यकर्त्यांनी दाखवलेला विश्वास खरा ठरणार का अशा चर्चा राजकीय वर्तुळात रंगल्या आहेत. यावेळेस आता नगरसेवक होण्याआधी विजयाचे बॅनर लावल्याने शहरात यंदा तरी निवडून येतील का? याच्या चर्चा रंगल्या आहेत.