Pune Rape Case News : कोंढव्यात घरात घुसून कुरियर बाॅयने तरुणीवर अत्याचार केल्याचे प्रकरण उघडकीस आले होते. या प्रकरणात पोलिसांनी तपास केल्यानंतर मोठा ट्विस्ट समोर आला. तरुणीवर अत्याचार करणारा तिचाच बाॅयफ्रेंड होता. तिनेच खोटी तक्रार पोलिस ठाण्यात दिली होत. मात्र, आता या प्रकरणाला वेगळेच वळण मिळाले आहे.
पोलिसांमध्ये खोटी तक्रार करण्यामागे तरुणीला मार्गदर्शन तिचीच मैत्रीण असलेल्या प्राध्यपिकेने केल्याचा पोलिसांना संशय आहे. इंजिनिअरिंग काॅलेजमध्ये प्राध्यापक असलेल्या मैत्रीणीने तरुणाला पोलिसांमध्ये कशी तक्रार करावी, पोलिसांनी उलट प्रश्न विचारला तर कसे उत्तर द्यायचे याचे मार्गदर्शन केल्याचा पोलिसांना संशय आहे. पोलिसांनी प्राध्यापिकेचा जबाब देखील नोंदवला आहे.
तरुणीने केलेल्या तक्रारीनंतर अवघ्या 24 तासांत पोलिसांनी या प्रकरणाचा तपास करत तरुणीची तक्रार खोटी असल्याचे तसेच कुरियर बाॅयने नव्हे तर तिच्या बाॅयफ्रेंडने तिच्यावर अतिप्रसंग करण्याचा प्रयत्न केल्याचे समोर आणले. तरुणीनेच बाॅयफ्रेंड आपल्या घरी बोलावून घेतले होते. मात्र, त्याने शरीरसंबधांची मागणी तिच्याकडे केली. पीरियड चालू असल्याचे कारण देत तिने त्याला नकार दिला. मात्र, त्याने जबरदस्ती केली. त्यामुळे संतप्त झालेल्या तरुणीने कुरिअर बाॅयने अत्याचार केल्याची खोटी तक्रार दिली होती.
संतप्त झालेल्या तरुणीने पोलिस तक्रार देण्याचे निश्चित केले. त्यावेळी तिने आपली प्राध्यापक असलेल्या मैत्रीणीला फोन केला. या फोनद्वारे तिने पोलिसांमध्ये तक्रार कशी करायची? पोलिसांनी प्रतिप्रश्न केले तर त्याला कसे उत्तर द्यायचे याची माहिती तिच्याकडून घेतल्याचा पोलिसांना संशय आहे.
डिलिव्हरी बाॅय प्रकरणातील सत्यता पोलिसांनी अवघ्या 24 तासांत उघड केली. मात्र, या प्रकरणावरून पुण्याची कायदा सुव्यवस्था बिघडल्याचे चित्र काही जणांकडून निर्माण करण्यात आल्याबाबत पोलिस आयुक्त अमितेश कुमार यांनी नाराजी व्यक्त केली.
तरुणीचा बाॅयफ्रेंड जेव्हा त्यांच्या घरी येत होता तेव्हा तरुणीच्या घरच्यांना कळू नये म्हणून सोसाटीच्या रजिस्टरमध्ये आपली नोंद डिलिव्हरी बाॅय म्हणून करत होता. त्याचाच फायदा तरुणीने घेत त्याने केलेल्या बळजबरीनंतर डिलिव्हरी बाॅयने आपल्या घरात शिरून स्प्रे मारून आपल्यावर अत्याचार केला तसेच सेल्फी देखील काढल्याचा बनाव केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.