Pune News : बदलापूरमधील शाळेत दोन चिमुरड्या मुलींवर लैंगिक अत्याचाराचे प्रकरण ताजे असताना पुण्यातही अशीच घटना समोर आली आहे. यामध्ये नराधमाने सहा वर्षांच्या दोन मुलींवर स्कूल बसमध्ये अत्याचार केल्याचे समोर आले आहे. बदलापूर प्रकरणातील आरोपीचा एन्काऊंटर झाल्यानंतर आता पुण्यातील आरोपीला कोणती शिक्षा होणार, यावर फडणवीसांनी दोन शब्दांत उत्तर दिले आहे.
पुण्यातील वानवडी परिसरात 45 स्कूल बस चालकाने लैंगिक अत्याचार केले आहेत. पोलिसांनी त्याला अटक केली असून पुढील कारवाई केली जात आहे. मुलीच्या आईने दिलेल्या तक्रारीनंतर पोलिसांनी ही कारवाई केली आहे. दोन्ही मुली एका नामांकित शाळेतील आहेत. त्यामुळे पुण्यात खळबळ उडाली आहे.
राज्याचे उपमुख्यमंत्री देवेंद्र फडणवीस यांनी या घटनेवर प्रतिक्रिया दिली आहे. अतिशय वाईट पध्दतीने हे शोषण झाल्याचे फडणवीस यांनी सांगितले. स्कूल बसचा चालक फरार झाला होता, त्याला आता अटक करण्यात आली असून पोलिस पुढील कारवाई करत असल्याचे फडणवीस म्हणाले.
चालकावर कडक कारवाई पोलिसांकडून निश्चितपणे केली जाईल. कठीणात कठीण शिक्षा त्याला देण्यात येईल, असेही फडणवीस यांनी स्पष्ट केले. दरम्यान, बदलापूर प्रकरणातील आरोपी अक्षय शिंदे यांचा पोलिस व्हॅनमध्ये एन्काऊंटर करण्यात आला आहे. त्याने पोलिसांवर गोळीबार करण्याचा प्रयत्न केल्यानंतर बचावासाठी करण्यात आलेल्या गोळीबारात त्याचा मृत्यू झालाचा दावा पोलिसांकडून केला जात आहे.
अक्षय शिंदेच्या एन्काऊंटरनंतर ठाण्यासह काही भागात फटाके फोडण्यात आले होते. विरोधकांकडून मात्र हा फेक एन्काऊंटर असल्याचे आरोप केले जात आहेत. तर फडणवीसांसह मुख्यमंत्री एकनाथ शिंदे यांनी विरोधकांच्या दुटप्पी भूमिकेवर निशाणा साधला होता. आता पुण्यातील प्रकरणानंतर त्यावरूनही राजकारण तापले असून विरोधकांनी सरकारवर हल्लाबोल चढवला आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.