Pune News: चिंचवड विधानसभा पोटनिवडणुकीत उमेदवारी अर्ज माघारी घेण्याच्या मुदतीत आज पाच जणांनी ती घेतली असली, तरी २८ उमेदवार रिंगणात राहिले आहे. त्यामुळे २६ तारखेला होणाऱ्या मतदानासाठी या मतदारसंघात दोन ईव्हीएम मशिन लागणार आहेत. मात्र, लढत ही तिरंगीच होणार आहे.
चिंचवडचे भाजप (BJP) आमदार लक्ष्मण जगताप (Laxman Jagtap) यांच्या निधनानंतर (३ जानेवारी) १५ दिवसांतच (१८ जानेवारी) जाहीर झालेल्या या मतदारसंघाच्या पोटनिवडणुसाठी ४० उमेदवारांनी अर्ज दाखल केले होते. मात्र, त्यातील ३३ जणच पात्र ठरले. त्यातील पाच जणांनी अर्ज माघारीच्या शेवटच्या दिवशी आज माघार घेतली. त्यामुळे ३३ जण रिंगणात राहिले आहेत. त्यात बहूतांश अपक्षच आहेत.
संभाजी ब्रिगेडने(Sambhaji Brigade) आज चिंचवडच नाही, तर कसबा पेठ, पुणे या ही निवडणूक होऊ घातलेल्या दुसऱ्या मतदारसंघातूनही आपला उमेदवार मागे घेतला. चिंचवडमध्ये प्रवीण कदम त्यांचे उमेदवार होते. तर, आगामी लोकसभा, विधानसभा आणि स्थानिक स्वराज्य संस्थांच्या निवडणुका स्वबळावर लढायच्या असल्याने या दोन्ही पोटनिवडणुका न लढविण्याचा निर्णय आम आदमी पक्षानेही ऐनवेळी घेतला.
त्यामुळे कसब्यात अर्ज दाखल केलेल्या त्यांच्या उमेदवाराला तो आज मागे घ्यावा लागला. तर चिंचवडमध्ये त्यांचे उमेदवार मनोहर पाटील यांचा अर्ज छाननीतच बाद झाला होता. तो तसेच एबी फॉर्म अपूर्ण असल्याने त्यांचा अर्ज अवैध ठरविला गेला होता. कदम यांच्यासह अपक्ष राजेंद्र काटे, भाऊसाहेब अडागळे, अॅड.मनिषा कारंडे आणि रविंद्र पारधे (सर) यांचा उमेदवारी मागे घेतलेल्यांत समावेश आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.