Rupali Chakankar News: रुपाली चाकणकरांचा फोटो 'त्या' पेजवर; गुन्हा दाखल

Rupali Chakankar News : राज्यातून एक धक्कादायक माहिती समोर आली आहे.राज्य महिला आयोगाच्या अध्यक्षा रुपाली चाकणकर (Rupali Chakankar) यांचे फोटो सोशल मिडीयावरील अश्लील वेबसाईटवर अपलोड करण्यात आल्याची माहिती आहे. या प्रकरणी सायबर सेलने गुन्हा दाखल करुन घेत तपास सुरु केला आहे. (Rupali Chakankar's photo on 'that' page; Filed a case)

सोशल मिडीयावरील एका पेजवर काही महिलांचे फोटो आणि व्हिडीओ अपलोड करण्यात आले आहेत, त्याच पेजवर चाकणकरांचेही फोटो आढळून आले आहे. चार दिवसांपूर्वीच काही समाजकंटकांनी हे फोटो अपलोड केले आहेत. (Crime News)

या प्रकरणी चाकणकरांनी महाराष्ट्र सायबर सेलचे विशेष पोलीस महानिरीक्षक यशस्वी यादव (yashasvi yadav) यांच्याकडे तक्रार दाखल केली आहे. त्यांच्या या तक्रारीवरुन सोशल मीडियाच्या माध्यमातून बदनामी करण्याचे प्रकार सर्रासपणे घडत असून राज्य महिला आयोगाच्या अध्यक्षांचाच फोटो अशा पेजवर कोणी अपलोड केला, याचा शोध पोलिस घेत आहेत.

Edited By- Anuradha Dhawade