Pune News : शिवप्रतिष्ठान हिंदुस्थानचे संस्थापक संभाजी भिडे यांची विधानं नेहमी चर्चेत असतात. त्यांनी आता राष्ट्रवादी काँग्रेस पक्षाचे ज्येष्ठ नेते शरद पवार यांच्याबाबत केलेल्या एका वक्तव्याने खळबळ उडाली आहे. त्यांनी शरद पवार यांना 'राष्ट्रद्रोही' म्हणून संबोधले आहे. या वक्तव्याच्या विरोधात राष्ट्रवादी काँग्रेसचे प्रवक्ते विकास पासलकर यांनी मुख्यमंत्र्यांकडे गुन्हा दाखल करण्याची मागणी केली आहे.
नुकत्याच एका कार्यक्रमात बोलताना त्यांनी शरद पवार यांच्या राजकीय कारकीर्दीवर टीका केली. भिडे म्हणाले की, "शरद पवार यांना राष्ट्रद्रोह म्हणून ओळखले पाहिजे." पवार म्हणजे महाराष्ट्राला आणि देशाला लागलेली कीड आहे असं विधान संभाजी भिडे यांनी केला आहे.
भिडे यांच्या या वक्तव्यावर राष्ट्रवादी काँग्रेस (NCP) पक्षाने तीव्र नाराजी व्यक्त केली आहे. पक्षाचे प्रवक्ते विकास पासलकर यांनी या प्रकरणी मुख्यमंत्री देवेंद्र फडणवीस यांच्याकडे गुन्हा दाखल करण्याची मागणी केली आहे.
पासलकर म्हणाले, "शरद पवार हे महाराष्ट्राचे ज्येष्ठ नेते आहेत. त्यांनी कृषीमंत्री, मुख्यमंत्री आणि केंद्रातही महत्त्वाच्या पदांवर काम केले आहे. अशा व्यक्तीला राष्ट्रद्रोही म्हणणे हा केवळ वैयक्तिक हल्ला नव्हे, तर लोकशाहीच्या मूल्यांचा अवमान आहे. आम्ही मुख्यमंत्र्यांना तसेच उपमुख्यमंत्री अजित पवार आणि एकनाथ शिंदे यांना आवाहन करतो की, संभाजी भिडे यांच्याविरुद्ध गुन्हा दाखल करण्यात यावा."
पासलकर यांनी पुढे सांगितले की, "पवार साहेबांनी महाराष्ट्राच्या विकासासाठी आयुष्य वेचले आहे. त्यांना राष्ट्रद्रोही म्हणणाऱ्यांचा आम्ही जाहीर निषेध करतो. हे विधान केवळ राजकीय नाही, तर समाजात द्वेष पसरवणारे आहे. जर कारवाई झाली नाही तर तीव्र निषेध व्यक्त करणार असल्याचे देखील सांगितला आहे.
यापूर्वीही भिडे यांनी पवार (Sharad Pawar) यांच्यावर टीका केली आहे. मराठा आरक्षणाच्या मुद्द्यावर भिडे यांनी पवार यांना दोषी ठरवले होते. त्याचप्रमाणे, कोरेगाव-भीमा प्रकरणात भिडे यांचे नाव आले होते, पण पुराव्याअभावी ते वगळले गेले. पवार यांनी तेव्हा भिडे यांना व्यक्तिशः ओळखत नसल्याचे सांगितले होते. मात्र सध्या निवडणुकांचे रणधुमाळी सुरू असताना हे वादग्रस्त विधान आल्याने राजकीय वातावरण आणखी तापण्याची शक्यता निर्माण झाली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.