Pune News : वैष्णवी हगवणे मृत्यू प्रकरणामध्ये राज्य महिला आयोगाने योग्य ती तत्परता दाखवली नसल्याचा आरोप शिवसेना उद्धव बाळासाहेब ठाकरे पक्षाच्या नेत्या सुषमा अंधारे यांनी केला आहे. हा आरोप करताना त्यांनी राष्ट्रवादी काँग्रेसच्या नेत्या रूपाली पाटील ठोंबरे यांचं मात्र कौतुक केले आहे.
महिला आयोगाचा कारभार सातत्याने सुषमा अंधारे यांच्या रडारवर राहिला आहे. मात्र आज महिला आयोगावर टीका करताना त्यांनी दुसरीकडे राष्ट्रवादीच्या नेत्या आणि अंधारे यांच्या मैत्रीण असलेल्या रूपाली पाटील ठोंबरे यांचं कौतुक केल्याचे पाहायला मिळाले. यापूर्वी देखील रूपाली पाटील ठोंबरे या पहलगाम येथे झालेल्या हल्ल्यानंतर पुण्यात परतल्यावर सुषमा अंधारे यांनी त्यांची विमानतळावर जाऊन भेट घेतली होती आणि या दोन्ही नेत्यांना अश्रू अनावर झाल्याचे पाहायला मिळालं होतं.
वैष्णवी हगवणे प्रकरणाच्या अनुषंगाने बोलताना अंधारे म्हणाल्या, महिला आयोग हा महिलांच्या सुरक्षिततेसाठी त्यांची गाऱ्हाणी ऐकण्यासाठी 24/7 असला पाहिजे. कित्येक वेळा असं होतं की काही महिलांना महिला आयोगापर्यंत पोहोचता येत नाही. त्यावेळी महिला आयोगाकडे इतकी तत्परता असायला हवी की आयोग त्या पीडित महिलेपर्यंत पोहोचेल आणि तिला न्याय मिळवून देईल. मात्र तितकी तत्परता सध्या महिला आयोगाकडे असल्याचं पाहायला मिळत नाही.
सत्ताधाऱ्यांमधील राष्ट्रवादी काँग्रेसच्या वाट्याला हे महिला आयोगाचे अध्यक्षपद आले आहे. मात्र आत्तापर्यंत महिला आयोगाकडे आलेल्या 100 पैकी 90 केसेस पूर्णपणे फेल ठरलेल्या आहेत. जे पाच-दहा टक्के निकाल लागले, ते सत्ताधारी लोकांना न्याय द्यायचा म्हणून निकाल लावलेले असतात, असा दावा अंधारेंनी केला.
वैष्णवी हगवणे प्रकरणांमध्ये महिला आयोगाच्या अध्यक्ष रूपाली चाकणकर यांनी असंवेदनशीलता दाखवली असली तरी ठोंबरेंच्या रूपाली यांनी दाखवलेली संवेदनशीलता, वैष्णवीचे बाळ कुटुंबीयांकडे सुपूर्द करण्यासाठी घेतलेला पुढाकार प्रशंसनीय आहे. असं म्हणत राष्ट्रवादीच्या एका महिला नेत्यावर अंधारे यांनी टीका केली तर दुसऱ्या महिला नेत्याचे कौतुक केल्याचे पाहायला मिळालं. अंधारे पुढे म्हणाल्या,100 पैकी 90 प्रकरणांत अत्यंत अकार्यक्षम ठरलेल्या महिलेला आयोगाचे अध्यक्षपद कोणत्या निकषावर रूपाली चाकणकर यांना दिले असेल, असा सवाल सुषमा अंधारे यांनी केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.