Pune News : सुनेचा छळ करून तिला आत्महत्येस प्रवृत्त करण्याचा आरोप असणाऱ्या सासऱ्याला सुनेच्या मृत्यूचा आणि आपल्या या कृत्याबद्दल कसला ही पश्चात्ताप नसल्याचे त्याच्या सात दिवसांतील प्रवासाने समोर आले आहे. अजित पवार च्या राष्ट्रवादीचा माजी तालुकाध्यक्ष आणि राज्य कार्यकारिणी सदस्य असणारा वैष्णवीचा सासरा राजेंद्र हगवणे याला माज असल्याचेच यातून दिसून आले आहे.
पोलिसांनी केलेल्या तपासात थार, इंडेव्हर, आणि बलेनो अशा आलिशान गाड्यांमधून राजेंद्र हगवणे हा फार्महाऊस, लॉज, शेतावर राहत यथेच्छ पार्ट्या केल्याचे आणि मटणावर ताव मारल्याचेही समोर आले आहे.
पोलिसांनी आरोपी सासरा राजेंद्र हगवणे आणि दीर सुशील हगवणे या पिता-पुत्राच्या शुक्रवारी स्वारगेट येथे मुसक्या आवळल्या आहेत. पोलिस चौकशीत हगवणे पिता पुत्र सात दिवस आपल्या शेजारच्या तालुक्यातच राजरोसपणे फिरत असल्याचे समोर आले आहे.
राजेंद्र हगवणे गेल्या सात दिवसांत कुठे कुठे फिरला, याबाबत माहिती पोलिसांच्या चौकशीत समोर आली आहे. त्या सात दिवसांत विविध आलिशान गाड्या बदलल्या. वैष्णवीच्या मृत्यूनंतर १७ मेला तिचा मृतदेह औंध रुग्णालयात पाहण्यासाठी हे दोघे पिता-पुत्र इंडेव्हर कारने गेले होते. त्यावेळी अटकेची शक्यता लक्षात आल्याने त्यांनी तत्काळ गाडी बदलून थार गाडीने पळ काढला. त्यानंतर त्यांनी बावधन येथील मुहूर्त लॉन्स येते अराम केला मात्र तिथे राहिल्यास अटक होण्याची शक्यता जास्त असल्याने पवना धरणाजवळील एका फार्महाऊसवर त्यांनी मुक्काम केला. तिथून ते आळंदी येथे गेले आणि त्यानंतर आळंदी येथे जाऊन लॉजवर मुक्काम केला. १८ मे रोजी बलेनो कारने पावन धारणा जवळील एक फार्म हाऊस वर एका मित्राकडे मुक्काम केला.
19 मे रोजी बलेनो गाडीने सातारा जिल्ह्यातील पुसेगाव येथे एकाच्या शेतावर त्यांनी मुक्काम ठोकला. 19 आणि 20 मे रोजी पसरणीमार्गे कोगनळी येथे जात त्यांनी एका आलिशान हॉटेलात मुक्काम केला. त्यानंतर 21 मे रोजी कोगनळी येथील एका मित्राच्या शेतावर ते राहिले. गेल्या दोन दिवसांपासून हे प्रकरण पेटल्यानंतर 22 रोजी राष्ट्रवादीचे नेते अजित पवार यांनीही, 'राजेंद्र हगवणे याला सोडणार नाही. त्याला मुसक्या आवळून आणू,' असा इशारा देत पोलिसांनाही तपासासाठी पथके वाढविण्याच्या सूचना केल्या होत्या. त्यामुळे घाबरलेले हे नराधम पिता-पुत्र 22 मे रोजी पुन्हा पुण्यात परतले आणि स्वारगेट येथे पोलिसांनी त्यांना ताब्यात घेतले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.