पुण्यातून वसंत मोरे, किशोर शिंदे, अजय शिंदे, सुहास निम्हण मनसेचे उमेदवार

मुंबई : महाराष्ट्र नवनिर्माण सेना विधानसभेच्या रिंगणात उतरत असून आज पक्षाने २७ उमेदवारांची पहिली यादी जाहीर केली. पुण्यात वसंत मोरे, किशोर शिंदे, अजय शिंदे, सुहास निम्हण यांची उमेदवारी जाहीर झाली आहे. मनसेचे सरचिटणीस संदीप देशपांडेही माहिम मतदारसंघातून ही निवडणूक लढवणार आहेत. 

मनसे लोकसभेची निवडणूक लढली नव्हती. त्या निवडणुकीत पक्षाचे अध्यक्ष राज ठाकरे यांनी भारतीय जनता पक्षाच्या विरोधात प्रचार केला होता. यावेळी मनसे विधानसभेच्या रिंगणात उतरणार आहे. मनसेचे एकमेव नगरसेवक संजय तुर्डे कलिना मतदारसंघातून निवडणूक लढवणार आहे. नितीन सरदेसाई यांना उमेदवारी मिळेल अशी अपेक्षा होती. पण पहिल्या यादीत त्यांचे नांव नाही.

पुण्यातील उमेदवार पुढील प्रमाणे;
वसंत मोरे - हडपसर
अॅड. किशोर शिंदे - कोथरुड
अजय शिंदे - कसबा
सुहास निम्हण - शिवाजीनगर