Chandrapur चे आमदार Kishor Jorgewar यांना निवडणूक प्रमुख पदावरून हटवलं।Bjp News।

चंद्रपूरचे आमदार किशोर जोरगेवार यांच्या जागी आता भाजपने माजी राज्यसभा खासदार अजय संचेती यांच्याकडे चंद्रपूर मनपाचे निवडणूक प्रमुख म्हणून जबाबदारी दिली. ही जबाबदारी आधी किशोर जोरगेवार यांना देण्यात आली होती. मात्र किशोर जोरगेवार आणि सुधीर मुनगंटीवार यांच्यात सुरू असलेल्या पक्षांतर्गत संघर्षाच्या पार्श्वभूमीवर प्रदेश भाजपने हा निर्णय घेतल्याचे बोलले जात आहे. मुनगंटीवार आणि जोरगेवार यांच्यातील संघर्ष आता चव्हाट्यावर आला आहे. त्यामुळे दोन्ही गटाच्या कार्यकर्त्यांना उमेदवारी देताना पक्षपात होऊ नये, नेत्यांच्या गटबाजीचा फटका बसू नये, यासाठी पक्षाने बाहेरचा निवडणूक प्रमुख बनवला, असे सांगितले जाते. या निर्णयामुळे जोरगेवार यांना चांगला धक्का बसला आहे.