Shivsena Mission Tiger : कोकणात 'मिशन टायगर' 100 टक्के यशस्वी, ठाकरेंवरील संकटं संपतच नाहीत!

Shivsena Mission Tiger : शिवसेना उद्धव बाळासाहेब ठाकरे पक्षावरील संकटे संपण्याचे नावच घेत नाहीत. ज्या कोकणाने बाळासाहेब ठाकरे यांना शेवटपर्यंत साथ दिली. त्याच कोकणाच उद्धव ठाकरेंच्या पक्षाला अस्तित्वासाठी झगडावे लागत आहे. त्यांचे पक्षाचे दोन माजी आमदार उपमुख्यमंत्री एकनाथ शिंदेंच्या पक्षात प्रवेश करणार आहेत. तर, ईडीचे संकट असूनही विधानसभा निवडणुकीत ठाकरेंना साथ देणारे राजन साळवी देखील ठाकरेंची साथ सोडणार आहेत.

मंत्री गुलाबराव पाटील म्हणाले,कोकणात मिशन टायगर 100 टक्के यशस्वी होणार आहे. उद्धव ठाकरेंकडे कोकणात कोणीच शिल्लक राहणार नाही. शिवसेना कोणाची हे सिद्ध झाले आहे. त्यामुळेच शिवसैनिक आमच्याकडे येत आहेत.

उद्धव ठाकरेंची साथ सोडलेले माजी आमदार सुभाष बने, गणपत कदम हे 13 फेब्रुवारीला एकनाथ शिंदेंच्या शिवसेनेत प्रवेश करणार आहेत. त्यावेळी उद्धव ठाकरेंना साथ देणारे शेकडो शिवसैनिक पदाधिकारी देखील एकनाथ शिंदेंसोबत जाण्याची शक्यता आहे.

कोकणात अस्तित्वाची लढाई

उद्धव ठाकरेंसाठी शिवसेनेसाठी अस्तित्वाची लढाई निर्माण झाली आहे. पूर्ण कोकण पट्ट्यात गु्हागरमध्ये भास्कर जाधव हे एकमेव आमदार आहेत. तर, तळ कोकणातील कुडाळ, कणकवली, सावंतवाडी, रत्नागिरी, राजापूर, चिपळून, कणकवली सहा मतदारसंघात ठाकरेंचा एकही आमदार नाही. शिवाय जे पदाधिकारी, नेते विधानसभेला सोबत होते ते देखील पक्षांतर करण्याच्या तयारीत आहेत.

राजन साळवींना विधान परिषद?

राजन साळवी हे 23 फेब्रुवारीला एकनाथ शिंदेंच्या शिवसेनेत प्रवेश करणार असल्याची चर्चा आहे. या विषयी साळवी यांच्याकडून कुठलीही प्रतिक्रिया अजुनपर्यंत आलेली नाही. साळवी यांना विधान परिषद मिळणार असल्याचे देखील बोलले जात आहे.

साळवींच्या प्रवेशाला सामंत बंधूंचा विरोध?

राजन साळवी यांच्या प्रवेशाबाबत मंत्री उदय सामंत म्हणाले की, या संदर्भात माझी एकनाथ शिंदेसाहेबांशी चर्चा झाली नाही. साळवींच्या इच्छा आकांक्षा काय आहेत हे माहीत नाही. माझे मोठे बंधू तेथून विजय झाले आहेत त्यांना विश्वासत घ्यावे लागेल. तर, किरण सामंत म्हणाले की, राजन साळवी शिंदेसाहेबांच्या संपर्कात आहेत. पण त्यांना पटकन पक्षात घेतली असे मला वाटत नाहीत. तसेच लगेच विधान परिषद देतील असे देखील वाटत नाही.