Beed Railway Project: बीडच्या रेल्वेला 'राजकीय इंजिन'; श्रेयवादावरून मुख्यमंत्र्यांसमोरच जोरदार खडाजंगी

Beed District Development News: बीड-अहिल्यानगर-परळी रेल्वे मार्गाच्या उदघाटनाप्रसंगी, मुख्यमंत्री देवेंद्र फडणवीस, उपमुख्यमंत्री अजित पवार, मंत्री पंकजा मुंडे व इतर नेते उपस्थित होते. या कार्यक्रमात, नेत्यांनी या रेल्वे प्रकल्पासाठी आपापल्या योगदानाचा दावा करत, कोणी कोणाच्या प्रयत्नांमुळे हे शक्य झाले, हे सिद्ध करण्याची स्पर्धा सुरू केली, अशी परिस्थिती निर्माण झाली होती. रेल्वेचे उद्दिष्ट पूर्ण झाल्यावर, व्यासपीठावर उपस्थित सर्वच राजकीय नेत्यांनी या रेल्वे प्रकल्पासाठी केलेल्या प्रयत्नांवर जोर दिला.

मराठवाडा मुक्तिसंग्राम दिनासारख्या महत्त्वाच्या दिवशी झालेल्या या उद्घाटनामुळे नेत्यांमध्ये या कामाचे श्रेय घेण्याची स्पर्धा लागली होती. या ऐतिहासिक क्षणाचे राजकारण करण्याची स्पर्धा लागली होती. या सर्व घडामोडींतून रेल्वे प्रकल्पामागील राजकीय धुरा आणि आपापल्या पक्षाची भूमिका ठळकपणे दिसली, असे या घटनाक्रमातून दिसून येते.

अहमदनगर ते बीड या नवीन रेल्वे मार्गाचे उद्घाटन झाल्याने बीड जिल्ह्यातील दीर्घकाळापासूनचे रेल्वेचे स्वप्न पूर्ण झाले आहे. मुख्यमंत्री देवेंद्र फडणवीस (Devendra fadnavis), उपमुख्यमंत्री अजित पवार, मंत्री पंकजा मुंडे यांच्या हस्ते झालेल्या या उद्घाटनामुळे बीडकरांमध्ये मोठा उत्साह आहे.अनेक दशकापासून अनेक लोकप्रितिनिधींनी केलेल्या पाठपुराव्यानंतर आणि बीडच्या नागरिकांच्या अथक प्रयत्नानंतर ही रेल्वे सुरु झाली आहे.

नेमकं काय घडलं?

बीड-परळी रेल्वेमार्गाचे काम पूर्ण झाल्यानंतर, पहिल्या रेल्वेच्या उद्घाटनासाठी मुख्यमंत्र्यांसह अनेक नेते उपस्थित होते. याच कार्यक्रमात, या रेल्वे प्रकल्पासाठी आपणच कसे प्रयत्न केले, हे सिद्ध करण्याची चढाओढ सुरू झाली.

आजी खासदार बजरंग सोनवणे (Bajrang Sonvane) यांनी यावेळी आपल्या कार्यकाळात कामाला गती दिल्याचे सांगितले, तर माजी खासदार प्रीतम मुंडे यांनी या प्रकल्पाची मूळ कल्पना आणि सुरुवातीचे प्रयत्न हे त्यांच्या काळात झाल्याचे ठामपणे सांगितले.

राजकीय संघर्षाची नांदी

दोन्ही बाजूंच्या कार्यकर्त्यांनी आपापल्या नेत्यांच्या घोषणा देत वातावरण तापवले. यामुळे उद्घाटनाचा हा आनंदाचा क्षण 'राजकीय इंजिना'ने भरकटल्यासारखा झाला. रेल्वेमार्ग हा अनेक वर्षांपासून प्रलंबित असलेला प्रकल्प होता.

त्यामुळे याचे श्रेय घेणे हे पुढील निवडणुकीसाठी महत्त्वाचे आहे. हा वाद केवळ दोन नेत्यांपुरता मर्यादित नसून, आगामी काळात होणाऱ्या राजकीय संघर्षाची ही नांदी मानली जात आहे.

मुख्यमंत्र्यांच्या समोरच हा वाद श्रेयवाद रंगल्यामुळे बीड जिल्ह्यातील भाजप आणि राष्ट्रवादी काँग्रेसमध्ये (अजित पवार गट) अंतर्गत गटबाजी असल्याची चर्चा पुन्हा सुरू झाली आहे. हा प्रकल्प नवीन नाही, दशकांपूर्वी त्याची मागणी सुरू झाली होती. दिवणगत नेते गोपीनाथ मुंडे यांनी केंद्रात व राज्यात भाजपची सत्ता असताना सातत्याने पाठपुरावा केला होता.त्यामुळे कल्पना व प्रारंभिक मंजुरी याचं श्रेय जुन्या पिढीतील नेत्यांना दिले पाहिजे.

प्रत्यक्षात रुळ टाकणे, भूसंपादन, निधी उभारणे ही कामं गेल्या काही वर्षांत टप्प्याटप्प्याने झाली. केंद्र सरकारने निधी दिला, तर राज्य सरकारने अतिरिक्त निधी मंजूर केला. म्हणजे दोन्ही स्तरावर सहकार्य झाल्याशिवाय प्रकल्प पुढे गेला नसता.

श्रेय कोणाचं ते लोकांसाठी दुय्यम आहे, कारण दशकानुदशकं वाट पाहूनही आजवर रेल्वे पूर्णपणे उपलब्ध नाही. त्यामुळे जनतेच्या दृष्टीने “कोणाचा वाटा किती?” पेक्षा रेल्वे वेळेवर सुरू झाली आहे.

या प्रकल्पाची कल्पना व प्रारंभिक मंजुरी जुन्या नेत्यांचं योगदान आहे. निधी मंजुरी आणि अंमलबजावणी या केंद्र व राज्य यांचा संयुक्त सहभाग आहे. त्यामुळे हा सामूहिक प्रयत्नांचा परिणाम आहे, एकाच पक्षाचं किंवा एका नेत्याचं श्रेय मानणं तटस्थ दृष्टीकोनातून चुकीचं ठरते.