Maharashtra political crisis : शिवसेनेच्या मंत्र्यांची नाराजी कायम; तोडगा काढण्याची जबाबदारी राष्ट्रवादीच्याच जुन्या नेत्यावर

Shiv Sena ministers discontent News : कॅबिनेट मीटिंगनंतर शिवसेनेच्या मंत्र्यांनी नाराजी व्यक्त केली. त्यानंतर या वादावर तोडगा काढण्याची जबाबदारी उपमुख्यमंत्री एकनाथ शिंदे यांनी राष्ट्रवादी काँग्रेसच्या जुन्या नेत्यावर जबाबदारी सोपवली आहे.
Ajit Pawar Eknath Shinde
Ajit Pawar Eknath Shindesarkarnama
Published on
Updated on

Mumbai News : राज्यातील विधानसभा निवडणुकीनंतर सत्तास्थापन झाली. त्यानंतर गेल्या काही दिवसापासून महायुतीमधील तीन ही मित्रपक्षात नाराजी कायम आहे. भाजप, एकनाथ शिंदेंची शिवसेना व अजित पवार यांच्या राष्ट्रवादी काँग्रेसमधील नाराजी कायम आहे. विशेषतः निधी वाटपावरून शिवसेनेचे मंत्री उपमुख्यमंत्री अजित पवार यांच्या कार्यपद्धतीवर नाराज आहेत. मंगळवारी झालेल्या कॅबिनेट मीटिंगनंतर शिवसेनेच्या मंत्र्यांनी नाराजी व्यक्त केली. त्यानंतर या वादावर तोडगा काढण्याची जबाबदारी उपमुख्यमंत्री एकनाथ शिंदे यांनी राष्ट्रवादी काँग्रेसच्या जुन्या नेत्यावर जबाबदारी सोपवली आहे. त्यामुळे सर्वांचे त्याकडे लक्ष लागले आहे.

येत्या काळात राज्यातील स्थानिक स्वराज्य संस्थेच्या निवडणुका होत आहेत. त्यामुळे आगामी निवडणूकीत मतदारांसमोर जातांना पुरेसा निधी आणि विकासकामे गरजेची आहेत. याकरता अर्थमंत्री अजित पवार आणि शिवसेना (Shivsena) मंत्र्यांमध्ये समन्वय असणे गरजेचे असल्याची चर्चा सुरु झाली आहे. त्यामुळे आता या बाबत तोडगा काढण्यासाठी एकनाथ शिंदे यांच्याकडून पावले उचलली जात आहेत. विशेष म्हणजे यावेळी शिवसेनेच्या मंत्र्यांनी अर्थखात्यावर लक्ष ठेवावे, अशी सूचना एकनाथ शिंदे यांनी केली होती. मात्र, यावर वाद वाढवत बसण्यापेक्षा नमते घेत आता तोडगा काढला जात आहे.

Ajit Pawar Eknath Shinde
Malegaon Elections Result 2025 : माळेगाव साखर कारखाना निवडणुकीची मोठी अपडेट, रंजन तावरेंचे चार उमेदवार आघाडीवर तर अजित पवारांचे ...

महायुतीचे (Mahayuti) सरकार येऊन सहा महिन्यापेक्षा जास्तचा कालावधी झाला आहे. मात्र, गेल्या काही दिवसापासून निधीवाटपात शिवसेना मंत्र्यांना सापत्न वागणूक दिली जात असल्याची तक्रारी आहेत. या बाबत काही जणांनी नाराजी व्यक्त केली आहे. या नाराजीवर तोडगा काढण्यासाठी शिवसेनेकडून तातडीची पावले उचलली जात आहेत. त्यामुळेच निधी वाटपबाबत शिवसेना मंत्र्यांची नाराजी पहाता अर्थमंत्री अजित पवारांपर्यंत शिवसेनेची भूमीका पोहोचवून तोडगा काढण्याची जबाबदारी मंत्री उदय सामंत यांना देण्यात आली आहे.

Ajit Pawar Eknath Shinde
Congress on Modi Government : लोकशाहीवर खतरनाक हल्ले, देशात 11 वर्षे अघोषित आणीबाणी!

त्यानंतर निधीवाटपात सूसुत्रता आणण्यासाठी प्रयत्न केले जात आहेत. त्यासाठी अर्थमंत्री अजित पवार आणि शिवसेना मंत्र्यांमध्ये संवादाचा पूल म्हणून उदय सामंत काम करतांना दिसत आहेत. शिवाय उदय सामंत यांचे शिवसेनेत मंत्री म्हणून वजन आहेच. सोबतच राष्ट्रवादीतही जून्या सहकाऱ्यांसोबत ते चांगले संबंध ठेवून आहेत. त्यामुळे उदय सामंत हे रायगडच्या पालकमंत्रीपदाच्या तिढ्यावरही समन्वयकाचीच भूमीका पार पाडत आहेत. त्यामुळे शिवसेनेत उदय सामंत यांच्याकरवी निधीवाटपाबाबत समाधानकारक तोडगा निघेल, अशी अपेक्षा शिवसेना नेत्यांना आहे.

Ajit Pawar Eknath Shinde
50 Years Of Emergency: संजय गांधींची आणीबाणीमध्ये काय भूमिका होती? मुख्यमंत्री अन् प्रशासकीय अधिकाऱ्यांना देत होते आदेश

मंगळवारी राज्य मंत्रिमंडळ बैठक झाली. या कॅबिनेट बैठकीनंतर शिवसेना आणि राष्ट्रवादी काँग्रेसमध्ये बऱ्याच घडामोडी घडल्या. एकनाथ शिंदे यांनी शिवसेना मंत्र्यांबरोबर बैठक घेतली. त्यावेळी निधीवाटपावरून अन्याय होत असल्याची तक्रार यावेळी मंत्र्यांनी केली. त्यांनतर मंत्री उदय सामंत यांनी उपमुख्यमंत्री अजित पवारांची भेट घेतली. तर त्यानंतर अजित पवार आणि एकनाथ शिंदे या दोन उपमुख्यमंत्र्यांचीही भेट घडून आल्याचे बघायला मिळाले आहे.

Ajit Pawar Eknath Shinde
Congress vs Fadnavis : ''फडणवीसांच्या विजयासाठी निवडणूक आयोगाच्या अधिकाऱ्यांनी..'' ; काँग्रेस नेत्याचा गंभीर आरोप!

आगामी महापालिका आणि स्थानिक स्वराज्य संस्थांच्या निवडणूकांना सामोरं जाण्यापूर्वी निधी वाटपाचा घोळ संपावा, याकरता उदय सामंतांनी पुढाकार घेत बैठकीत आपल्या पक्षाची बाजू मांडली असल्याचे बोलले जात आहे. त्यामुळे गेल्या काही दिवसापासून सुरू असलेल्या या नाराजीनाट्य लवकरच संपेल अशी शक्यता आहे.

Ajit Pawar Eknath Shinde
Devendra Fadnavis - मतांचा घोटाळा बाहेर काढणाऱ्या राहुल गांधींना फडणवीसांनी 'असा' दाखवला 'हा सूर्य..हा जयद्रथ...'

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com