Satara, 30 March : भाजप तुमच्याशी फसवाफसवीचे राजकारण करत नाही ना? लोकसभेच्या उमेदवारीपासून राजघराण्याला लांब ठेवलंय का?, या प्रश्नावर उदयनराजेंनी अगदी मिश्किलपणे उत्तर दिले. फसवाफसवी पिक्चर होता ना, तो बघा म्हणजे सगळं कळेल...असे त्यांनी स्पष्ट केलं.
वाई तालुक्यातील बावधनच्या यात्रेनिमित्त आयोजित बगाडाच्या मिरवणुकीच्या दर्शनासाठी खासदार उदयनराजे भोसले हे गेले होते. त्यावेळी त्यांच्याशी पत्रकारांनी संवाद साधला. तुम्ही बगाडाकडे काय मागणं घातलं, या प्रश्नावर उदयनराजे (Udayanraje Bhosale) म्हणाले, आपण सर्व बंधूभावनेने राहिले पाहिजे. छत्रपती शिवाजी महाराजांचे विचार आचरणात आणले पाहिजेत. तरच या देशाची परंपरा अबाधित राहणार आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
प्रत्येकजण काहीतरी बोलत असतो. देशाला अखंड ठेवायचे असेल तर छत्रपती शिवाजी महाराजांची संकल्पना अबाधित राहिली पाहिजे. जशी पाच बोटे एकसारखी नसतात. प्रत्येकाचे विचार वेगवेगळे असतात. पक्षबिक्ष बाजूला ठेवा, प्रत्येकाने जबाबदारीने बोलले पाहिजे. जाती-जातीत तेढ निर्माण होऊ नये; म्हणून सर्वांनी जबाबदारीने बोलले पाहिजे. कारण जाती-जातींत तेढ निर्माण करायची नसेल तर प्रत्येकाने स्वत:च्या अंत:करणातून बोलले पाहिजे. मी कधीही राजकारण केलं नाही आणि करणार ही नाही, असेही उदयनराजे यांनी स्पष्ट केले.
खासदार भोसले म्हणाले, बावधनच्या बगाडाची परंपरा टिकली पहिजे. कुठल्याही जाती धर्मातील माणूस असेल त्याला त्यांच्या धर्माचा अभिमान असणे, रास्त आहे. कुठलाही धर्म असं करा तसं करा, असं म्हणत नाही. प्रत्येकाचा शेवट होत असतो. श्वास कधी थांबेल, हे आपण कोणीही सांगू शकत नाही. त्यामुळे आयुष्यात लोकांच्या हिताचे काम केले पाहिजे, ही माझी प्रामाणिक इच्छा आहे.
भारतीय जनता पक्ष तुमच्याशी फसवाफसवीचे राजकारण करत नाही ना? लोकसभेच्या उमेदवारीबाबत राजघराण्याला लांब ठेवले जातंय का? या प्रश्नावर उदयनराजे म्हणाले, हा बगाडाचा विषय आहे, इथं राजकारण आणू नये. फसवाफसवी हा पिक्चर होता ना. तो बघा म्हणजे सगळं कळेल, असे त्यांनी स्पष्ट केलं.
राष्ट्रवादी काँग्रेसचे अध्यक्ष शरद पवार यांनी तुमची कॉलर उडवायची स्टाइल केली होती. त्यावर उदयनराजेंना विचारले असता ते म्हणाले, ते पवारसाहेब आहेत. माझी स्टाइल मारली, त्याला मी काय करणार?
Edited By : Vijay Dudhale
R
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.