Dombivli Crime News : 'नगरसेवकांच्या नावाने खंडणी केली गोळा'; धक्कादायक घटना!

Kalyan Dombivali News : डोंबिवलीतील माजी नगरसेवकांच्या नावाने व्यावसायिकांकडून पैसे उकळन्यात आल्याची धक्कादायक घटना उघडकीस आली आहे. या प्रकरणी शिवसेनेचे माजी नगरसेवक रमेश म्हात्रे यांनी विष्णू नगर पोलीस ठाण्यात तक्रार नोंदवली आहे. या तक्रारी नुसार पोलिसांनी बेघाजी दबाले आणि संदीप शिंदे या दोघांच्या विरोधात गुन्हा दाखल करत पुढील तपास सुरु केला आहे. (Latest Crime News)

व्यावसायिकांकडून पैसे उकळण्याची नामी शक्कल या अट्टल दुकलीने शोधून काढली होती. फोनवर शेठ बोलतोय समोरच्या व्यक्तिला मदत करा, असे भासवून अनेक व्यावसायिकांकडून पैसे उकळण्यात येत होते. रमेश म्हात्रे यांच्यासह दिपेश म्हात्रे , विकास म्हात्रे यांच्या नावाने देखील या अट्टल दुकलीने पैसे उकळल्याची माहिती समोर आली आहे. मात्र आता हे सर्व प्रकरण उघडकीस आले आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

डोंबिवलीत (Dombivli) उघडकीस आलेल्या एका प्रकारामुळे शिवसेना भाजपच्या माजी नगरसेवकांमध्ये एकच खळबळ उडाली आहे . काही तरुण व्यावसायिक नागरीकांकडे जात होते. एका व्यक्तीला फोन लावून द्यायचे. समोरच्या व्यक्तीला फोनवर शेठ बोलत आहे. त्यांनी तुम्हाला आमच्याकडे पैसे देण्यास सांगितले असे सांगायचे. यांची मागणी केवळ पाचशे, हजार आणि दोन हजार रुपये असायची. प्रतिष्ठीत व्यक्ती फोन करतोय, असं समजून लोकं मदतीच्या नावाखाली पैसे देत होते.

असाच प्रकार शिवसेनेचे (Shivsena) माजी नगरसेवक रमेश म्हात्रे यांच्या सोबत घडला. म्हात्रे यांच्या नावाने पैसे उकळण्यात आल्याची माहिती त्यांना मिळाली होती. या प्रकरणी रमेश म्हात्रे यांनी तत्काळ विष्णू नगर पोलिस ठाण्यात तक्रार नोंदवली . या तक्रारीनुसार विष्णू नगर पोलिसांनी बेघाडी दबाले आणि त्याचा साथीदार संदीप शिंदे या दोघांविरोधात गुन्हा दाखल केला, त्यांचा शोध सुरू आहे. रमेश म्हात्रेच नाही तर दीपेश म्हात्रे आणि विकास म्हात्रे यांचा नावाचाही वापर पैसे उकळण्यासाठी केला गेल्याची माहिती समोर आली. आणखी किती जणांना या टोळीने गंडा घातलाय या प्रकरणाचा तपास सुरु आहे.