CM Eknath Shinde : मुख्यमंत्री शिंदेंनी अधिवेशनाच्या शेवटच्या दिवशी ठाकरेंवर केलेले 'हे' 10 गंभीर आरोप...

Nagpur News : मुख्यमंत्री एकनाथ शिंदे यांनी विधिमंडळ अधिवेशनाच्या अंतिम आठवडा प्रस्तावाला उत्तर देताना महाविकास आघाडी सरकारच्या कारभारावर जोरदार हल्लाबोल केला. शिंदेंनी आपल्या भाषणात माजी मुख्यमंत्री आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरेंवर एकापाठोपाठ एक अशी आरोपांची माळच लावली. कधी टोले तर कधी टीकेचे तिखटवार अशा पध्दतीने शिंदेंनी ठाकरेंना घायाळ केले. त्यांनी कोरोना काळातील मुंबई महापालिकेतील घोटाळ्यांवरही बोट ठेवले.

अधिवेशनाच्या शेवटच्या दिवशी उद्धव ठाकरेंवर (Uddhav Thackeray) बोलण्याची एकही संधी मुख्यमंत्री एकनाथ शिंदे यांनी सोडली नाही. आपल्या भाषणात मुख्यमंत्र्यांनी उद्धव ठाकरेंचे नाव न घेता धू-धू धुतले. मुख्यमंत्र्यांनी घोटाळ्यांची यादीच मांडली.आदित्य राजाच्या कृपेने वरुण राजाच्या टेंडरचा पाऊस पडला असल्याचे सांगत सर्व टेंडर सगेसोयऱ्यांच्या घरी, जनतेने फिरावे दारोदारी अशी खोचक टीकाही मुख्यमंत्री एकनाथ शिंदे (Eknath Shinde) यांनी केली.

आपल्या भाषणात शिंदेंनी महापालिकेतील घोटाळ्यांपासून ते कोरोना काळात एकाच व्यक्तीला टेंडर कसे मिळायचे, याची दाखले देत मातोश्री एक ते मातोश्री दोन हा तुमचा प्रवास अभिमानास्पद आहे. तसा धारावीकरांचा प्रवास धारावी एकपर्यंत तरी व्हावा,असा टोलाही उद्धव ठाकरेंना लगावला.(Nagpur Winter Session)

मुख्यमंत्री एकनाथ शिंदेंनी ठाकरेंवर केलेले 'हे' 10 गंभीर आरोप...

* कोरोना काळात लोकं मरत होते, भीतीच्या वातावरणात जगत होते, तेव्हा हे लोकं पैसे खात होते.

* सर्व टेंडर सगेसोयऱ्यांच्या घरी, जनतेने फिरावे दारोदारी...; धारावी पुनर्विकासाची निविदा का रद्द केली, विशेष लोकांना काम देण्यासाठीच टेंडर रद्द....

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

* आदित्य राजाच्या कृपेने वरुन राजाच्या टेंडरचा पाऊस पडला.

* रेमडिसिवीरच्या कंत्राटात मोठा गैरव्यवहार, जनतेला लुबाडलं आणि स्वत:ची घरं भरली...

* कोविड काळात जो भ्रष्टाचार झाला त्या प्रकरणातील एक महत्वाचे प्यादे हे याची सुरुवात जिजामाता उद्यान येथील पेंग्विनपासून सुरु झाली.

*मुंबईत कोविड काळात जो भ्रष्टाचार झाला. त्याची एकेक सुरस कथा आहेत.अरेबियन नाईट यालाही मागे टाकले अशा या कथा आहेत.त्याची चौकशी सुरु आहे.लवकरच त्यातील सत्य बाहेर येईल

* जिथे टेंडर तिथे सरेंडर असा प्रवास सुरू

* माझं कुटुंब माझी जबाबदारी असताना लोकं जगण्यासाठी धडपडत होती.

* आरोग्य व्यवस्था रस्त्यावर असताना घरी बसणाऱ्यांनी देशात एक नंबरचा सीएम आहे हे दाखवू नये.घरात बसून एक नंबर कसे होतात असा सवाल करताना तो नंबर पुढून नाही,तर शेवटून होता...

* सुजित पाटकर (Sujit Patkar) यांनी त्यांच्या लाईफलाइन हॉस्पिटलच्या माध्यमातून खूप काही लुटले. याठिकाणी रुग्ण काल्पनिक होते. तर काल्पनिक डॉक्टर होते.

(Edited By Deepak Kulkarni)