Student Protest: अभिजीत दीपकेंना गंभीर आजाराची लागण होताच आई-वडिलांची चिंता वाढली : मोदी सरकारला कळकळीची विनंती

Abhijit Deepke: जंतर मंतरसह देशभर शिक्षणमंत्री धमेंद्र प्रधान यांचा राजीनाम्यासाठी आंदोलन होत आहे. अशातच आता कॉकरोच जनता पार्टीचे अध्यक्ष अभिजीत दीपके यांच्या प्रकृतीबाबत त्यांच्या आई-वडिलांनी तीव्र चिंता व्यक्त केली आहे. अभिजीत दीपके यांची तब्येत बिघडली असून, त्यांना टायफॉइड झाल्याची माहिती माध्यमांमधून समोर आली आहे. यापूर्वी त्यांना कधीही असा त्रास झाला नव्हता, असे त्यांच्या पालकांनी सांगितले.

त्यामुळे त्यांच्या प्रकृतीची आम्हाला मोठी चिंता वाटत असल्याची भावना त्यांनी व्यक्त केली आहे. अभिजीत दीपके हे विद्यार्थ्यांच्या प्रश्नांसाठी लढत असून त्यांना मोठा पाठिंबा मिळत आहे.

मात्र, दिल्ली पोलिसांवर आमचा विश्वास नाही असे सांगत आंदोलन मोडून काढण्यासाठी विद्यार्थ्यांवर चुकीच्या पद्धतीने लाठीचार्ज करण्यात आला असा आरोप त्यांनी केला. तसेच सरकारकडून अभिजीतच्या जीवाला धोका असल्याचा गंभीर आरोपही त्यांच्या आई-वडिलांनी केला आहे.

सरकारने अभिजीत दीपके यांच्या आंदोलनाची गांभीर्याने दखल घेऊन सकारात्मक चर्चा करावी. केंद्रीय शिक्षणमंत्री धर्मेंद्र प्रधान यांनी राजीनामा द्यावा, अशी मागणी करून सरकारने सकारात्मक चर्चा केल्यास आंदोलन संपुष्टात येईल आणि विद्यार्थी आपापल्या घरी परततील, अशी प्रतिक्रिया त्यांनी दिली.