Ahmedabad plane crash : एअर इंडियाचे विमान समुद्रावरून माघारी फिरवले, 156 प्रवासी थोडक्यात वाचले; थायलंडमध्ये इमर्जन्सी लँडिंगचा थरार

Ahmedabad plane crash : अहमदाबाद एअर इंडिया विमान दुर्घटना ताजी असतानाच एअर इंडियाच्या विमानासंदर्भात आणखी एक मोठी बातमी समोर आली आहे. थायलंडमध्ये एअर इंडियाच्या AI-379 विमानाचे इमर्जन्सी लँडिंग करण्यात आले आहे. विमानाने उड्डाण घेतल्यानंतर विमानात बॉम्ब असल्याची धमकी मिळाली. त्यानंतर तताडीने या विमानाचे इमर्जन्सी लँडिंग करण्यात आले. त्यामुळे 156 प्रवासी थोडक्यात बचावले आहेत.

रॉयटर्स वृत्तसंस्थेने फ्लाइट ट्रॅकर 'फ्लायट्रेडर24' च्या हवाल्याने दिलेल्या माहितीनुसार, एअर इंडियाच्या AI-379 विमानाने भारतीय वेळेनुसार सकाळी 9.30 वाजता (स्थानिक वेळेनुसार दुपारी 2.30 वाजता) थायलंडच्या फुकेत विमानतळावरून उड्डाण केले. पण अचानक विमानात बॉम्ब असल्याची धमकी मिळाली. त्यामुळे अंदमान समुद्रावर विमान माघारी फिरवले आणि फुकेतमध्ये आपत्कालीन लँडिंग करण्यात आले. विमानात 156 लोक होते.

गुरुवारी अहमदाबादहून इंग्लंडसाठी उड्डान केलेल्या एअर इंडियाच्या विमानाला अपघात झाला. तब्बल 230 प्रवासी आणि 12 क्रु मेंबर असणाऱ्या या विमानातील 241 जण जणांचा मृत्यू झाला तर एक जण बचावला आहे. याशिवाय ज्या इमारतीवर विमान कोसळले तिथले डाॅक्टर आणि मेडिकलचे विद्यार्थी अशा 24 जणांचाही मृत्यू झाला. त्यामुळे या अपघातात मृत्यू झालेल्यांची एकूण संख्या 265 इतकी आहे.

अपघात झालेल्या विमानामध्ये 169 भारतीय प्रवासी, 53 ब्रिटीश, पोर्तुगालचे 7 आणि कॅनडाचा एक नागरिक प्रवास करत होते. विमान मेघानीनगर परिसरातील सिव्हिल हाॅस्पिटल आणि बी जे मेडिकल काॅलेजच्या इमातीवर कोसळले. त्यामध्ये 5 शिकाऊ डाॅक्टर आणि 1 सुपरस्पेशालिस्ट डाॅक्टरच्या पत्नीचा मृत्यू झाल्याची माहिती आहे. या अपघातामध्ये 60 हून अधिक विद्यार्थी देखील जखमी झाले आहेत.

टाटाकडून मदतीची घोषणा

एअर इंडियाच्या विमान अपघातग्रस्त झाल्यानंतर टाटा समुहाकडून तातडीने मृत्यू झालेल्या कुटुंबीयांसाठी मदतीची घोषणा केली. मृत्यूमुखी पडलेल्या प्रत्येक व्यक्तिच्या परिवाराला एक कोटी टाटा समुहाकडून देण्यात येणार आहेत.