Congress President Election : खर्गे की थरूर ; आज कोण अर्ज मागे घेणार ?

नवी दिल्ली : कॉंग्रेस अध्यक्ष पदाच्या निवडणुकीसाठी (Congress President Election) मल्लीकार्जुन खर्गे आणि शशी थरूर (Shashi Tharoor) मैदानात आहेत. आज (शनिवार) अर्ज मागे घेण्याचा शेवटचा दिवस आहे. आज कोण अर्ज मागे घेणार याकडे सगळ्याचे लक्ष आहे.

निवडणुकीसाठी गांधी कुंटुबियांने कुणालाही पाठिंबा दिलेला नाही. त्यामुळे दोन्ही उमेदवारांपैकी कुणीही मागे घेण्याची शक्यता नाही, त्यामुळे निवडणूक बिनविरोध होण्याची शक्यता कमी आहे. झारखंड कॉंग्रेसचे नेते के एन त्रिपाठी यांचा अर्ज छाननीमध्ये रद्द झाला आहे.

उमेदवारी अर्ज मागे घेण्यासाठी आपल्यावर दबाव येत असल्याचा गौप्यस्फोट शशी थरुर यांनी केला आहे, "मी उमेदवारी अर्ज मागे घ्यावा," यासाठी काही नेत्यांनी राहुल गांधी (Rahul Gandhi) यांची भेट घेतली आहे. थरुर यांची काही दिवसापूर्वी राहुल गांधी यांच्याशी भेट घेतली होती, त्यावेळी गांधी यांनी त्यांना याबाबत सांगितले होते.

"कॉंग्रेस अध्यक्षपदासाठी निवडणूक घ्यावी, यासाठी गेल्या दहा वर्षांपासून राहुल गांधी यांनी सांगितले आहे. लोकांमधून अध्यक्ष निवडला गेला तर त्यांच्याकडून चांगले काम होईल," असे थरुर म्हणाले. कॉंग्रेसमधील काही बडे नेते त्यांना पाठिंबा देत नसल्याचे थरुर यांनी सांगितले. खर्गे यांच्यासोबत मतभेद नसल्याचे त्यांनी सांगितले. "मी निवडणूक लढवावी असे राहुल गांधी यांनी सांगितले आहे," असे थरुर म्हणाले.

येत्या लोकसभेच्या निवडणुकीत भाजपला आव्हान देण्याबाबत दोघांच्या विचारात मतभेद असल्याचे शशी थरुर यांनी सांगितले. थरूर म्हणाले, "मी राहुल गांधी यांना विश्वास दिला आहे. कॉंग्रेसमधील ज्येष्ठ नेत्यांचा विश्वास मी गमावणार नाही, त्यांनी मला पाठिंबा दिला आहे. युवा मतदार माझ्यासोबत आहेत,"

खर्गे आणि थरुर यांच्यात ही अध्यक्षपदासाठी निवडणूक होत आहे. यातील एकाने माघार घेतली तर निवडणूक बिनविरोध होईल. १७ आँक्टोबरला मतदान होणार असून नऊ हजार सदस्य मतदान करणार आहेत. १९ आँक्टोबर रोजी निकाल लागणार आहे.