Mallikarjun Kharge : काँग्रेस अध्यक्ष मल्लिकार्जुन खर्गेंची नरेंद्र मोदींकडे मोठी मागणी, म्हणाले 'अमित शाह यांना...'

Mallikarjun Kharge News : गृहमंत्री अमित शाह यांनी सभागृहात डाॅ.बाबासाहेब आंबेडकर यांच्याबद्दल केलेल्या विधानाने काँग्रेस आक्रमक झाली आहे. सभागृहासोबत सभागृहाबाहेर देखील काँग्रेस अमित शाह यांच्या विधानाचा निषेध करत त्यांच्यावर कारवाईची मागणी करत आहे.

काँग्रेस अध्यक्ष मल्लिकार्जुन खर्गे म्हणाले की, 'अमित शाहा यांनी राजीनामा द्यायला हवा. मोदींना आंबेडकारांविषयी श्रदा असेल तर त्यांनी अमित शाहांना मंत्रिमंडळातून काढून टाकायला हवे. जी व्यक्ती संविधानाची शपथ घेते आणि तीच व्यक्ती संविधानाचा अपमान करत असेल तर तिला मंत्रिमंडळात राहण्याचा अधिकारी नाही.

'अमित शाहा हे काल जे बोलले ते निषेधार्ह आहे. या लोकांचा संविधानावर विश्वास नाही. जे स्वर्ग-नरकाबद्दल बोलतात ते मनुस्मृतीवर विश्वास ठेवतात. त्यांचे गुरू गोळवलकरही तीच भाषा बोलत. त्यांचे शिक्षणही त्याच शाळेतून झाले तेही तीच भाषा बोलत आहेत', असे देखील खर्गे म्हणाले.

गृहमंत्री शहा जे बोलत आहेत त्यांचा बचाव करण्यासाठी मोदीसाहेबांनी सहा वेळा ट्विट केले आहेत. अमित शाहा हे चुकीचे बोलले आणि त्यांना वाचवायला पंतप्रधान ट्विट करत आहेत.', असे देखील खर्गे यांनी सांगितले.

एकमेकांचे पाप धुवून टाकतात

पंतप्रधान नरेंद्र मोदी आणि अमित शहा यांच्यावर निशाणा साधत काँग्रेस अध्यक्ष मल्लिकार्जुन खर्गे म्हणाले की, पंतप्रधान नरेंद्र मोदींनी गृहमंत्री अमित शहा यांना अडवण्याऐवजी त्यांना पाठिंबा दिला. दोघेही खूप जवळचे मित्र असून एकमेकांची पापे धुवून टाकतात. आंबेडकर हे संपूर्ण देशाचे पूजनीय आहेत मात्र भाजपच्या लोकांचा संविधानावर विश्वास नाही.