Congress politics : काँग्रेसमधील काही नेत्यांमुळेच मोदी जेलमध्ये जाण्यापासून वाचले! बड्या नेत्याच्या गौप्यस्फोटाने खळबळ, कोण होते ते नेते?

Veerappa Moily, Amit Shah, Congress, UPA Government, Manmohan Singh : काँग्रेस नेते मोइली यांनी हा दावा करताना कोणत्याही नेत्याचे नाव घेतले नाही. आपण या प्रकरणाच्या अधिक खोलात जाऊ इच्छित नाही, असे ते म्हणाले.
PM Modi And Rahul Gandhi
PM Modi And Rahul GandhiSarkarnama
Published on: 
Updated on: 

PM Narendra Modi news : माजी केंद्रीय मंत्री आणि काँग्रेसचे ज्येष्ठ नेते वीरप्पा मोइली यांनी पंतप्रधान नरेंद्र मोदी यांच्याविषयी मोठा गौप्यस्फोट केल्याने खळबळ उडाली आहे. केंद्रात काँग्रेसचे सरकार असताना पंतप्रधान नरेंद्र मोदी यांना आपल्याच पक्षातील काही नेत्यांची त्यांची चौकशी थांबविली होती. ते जेलमध्ये जाऊ शकले नाहीत. त्याचीच किंमत आता चुकवावी लागत असल्याचे मोइली म्हणाले आहेत.

कर्नाटकात काँग्रेस नेत्या सोनिया गांधी यांच्या पुस्तक प्रकाशनाच्या कार्यक्रमात मोइली यांनी नुकतेच हे विधान केले आहे. त्यांचा व्हिडिओ सोशल मीडियात व्हायरल होत आहे. त्यांनी म्हटले आहे की, मी कायदा मंत्री असताना अमित शाह यांना गुजरातमधून बाहेर काढले होते. त्यांचे प्रकरण अन्य राज्यात चालणार होते. जेलमध्ये जाणारे पहिले व्यक्ती तेच होते. त्यानंतर मोदींचा क्रमांक होता. त्यांनाही राज्यातून बाहेर काढले जाते.

मोइली यांनी काँग्रेस पक्षातील नेत्यांवरच ठपका ठेवताना सांगितले की, पक्षातील च काही दुर्भाग्यपूर्ण घटना होत्या. मोदींविरोधातील चौकशी आपल्याच सरकारने थांबविली होती. असे मनमोहन सिंग (तत्कालीन पंतप्रधान) यांच्यामुळे झाले नव्हते, तर अन्य काही नेत्यांमुळे घडले होते. आज आपण त्याचीच किंमत चुकवत आहोत.

PM Modi And Rahul Gandhi
Gokul Dairy News : 'गोकुळ'मध्ये मोठा धमाका; प्रशासकांनीच फोडलं तत्कालीन संचालक मंडळाचं बिंग, निर्णयांवर थेट प्रहार

काँग्रेस नेते मोइली यांनी हा दावा करताना कोणत्याही नेत्याचे नाव घेतले नाही. आपण या प्रकरणाच्या अधिक खोलात जाऊ इच्छित नाही, असे ते म्हणाले. मोइली यांच्या या विधानामुळे राजकीय वातावरण तापण्याची शक्यता आहे. या विधानामुळे काँग्रेसमधील अंतर्गत राजकारण पुन्हा चव्हाट्यावर आले आहे.

PM Modi And Rahul Gandhi
Latur DCC Bank : भाजपला 'दे धक्का'... पाच नाही, चारच; नवनिर्वाचित संचालक CM फडणवीसांच्या भेटीला, आमदाराच्या पत्नी गैरहजर

दरम्यान, मोइली यांनी उल्लेख केलेली घटना ही सोहराबुद्दीन शेख एन्काऊंटर प्रकरणाची संबंधित आहे. याच प्रकरणाते २०१० मध्ये सीबीआयने अमित शाह यांना अटक केली होती. तेव्हा ते गुजरातचे गृह राज्यमंत्री होते. डिसेंबर २०१४ मध्ये मुंबईतील सीबीआयच्या विशेष न्यायालयाने शहांना दोषमुक्त केले होते.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.