Donald Trump Double Standard: भारत रशियाकडून मोठ्या प्रमाणावर कच्चं तेल खरेदी करतो त्याऐवजी भारतानं अमेरिकेकडून तेल खरेदी करावी, यासाठी अमेरिकेचे राष्ट्राध्यक्ष डोनाल्ड ट्रम्प यांनी भारतावर ५० टक्के टॅरिफ लावलं आहे. यामुळं अमेरिका आणि भारत या दोन्ही देशांमधील व्यापारी संबंध तणावाचे बनले आहेत.
ट्रम्प यांच्या या निर्णयामुळं भारताकडून अमेरिकेत निर्यात होणाऱ्या वस्तूंवर परिणाम होणार आहे. पण आता यामध्ये अमेरिकेची डबल ढोलकी दिसून आली आहे. कारण एकीकडं अमेरिकेनं रशियाच्या नावानं भारतावर भरमसाठ टॅरिफ लावेलेला असताना दुसरीकडं त्याच रशियाकडून तेल घेण्यासाठी अमेरिका गुप्त करार करण्याच्या तयारीत असल्याचं वॉल स्ट्रिट जर्नलनं आपल्या वृत्तात म्हटलं आहे.
वॉल स्ट्रीट जर्नलनं आपल्या वृत्तात खुलासा केला की, अमेरिकेनं रशियासोबत ऊर्जा खरेदीचा करार केला आहे. अलास्कामध्ये राष्ट्राध्यक्ष ट्रम्प यांच्यासोबत बैठकीनंतर रशियाचे राष्ट्राध्यक्ष ब्लादिमिर पुतीन यांनी मीडियाशी बोलताना सांगितलं होतं की, रशिया आणि अमेरिका मिळून आणखी व्यापार वाढवू शकतो. उदाहरणार्थ पॅसिफिक समुद्रातील सीमावादावर ट्रम्प यांनी उत्तर दिलं होतं की, आम्ही व्यापार करण्यासाठी उत्सुक आहोत.
वॉल स्ट्रीट जर्नलनं म्हटलं की, अमेरिकेतील सर्वाधिक मोठ्या उर्जा कंपन्यांपैकी एक असलेल्या 'एक्सॉन मोबिल' या कंपनीनं रशियाची सरकारी तेल कंपनी रोसनेफ्ट यांच्यासोबत सिक्रेट बातचीत केली आहे. याद्वारे पुन्हा एकादा व्यवसाय सुरु करण्याची योजना तयार करण्यात आली आहे. सगळ्या विशेष म्हणजे हा तेल व्यवसाय पुन्हा सुरु करण्याची चर्चा राष्ट्राध्यक्ष डोनाल्ड ट्रम्प यांच्या उपस्थितीत झाली आहे. यावरुन त्यांची ही डबल ढोलकी नाहीतर काय आहे? त्यामुळं भारतानं भविष्यात अमेरिकेवर कशा पद्धतीनं विश्वास ठेवावा हा प्रश्न आहे.
दरम्यान, अमेरिकेनं लागू केल्या ५० पैकी २५ टक्के टॅरिफ आधीपासून भारताला लागू झाला होता पण एक्स्ट्रा २५ टक्के टॅऱिफ हा आजपासून लागू झाला आहे. याचा थेट परिणाम भारताच्या व्यापारावर होणार आहे. यामुळं अरबो डॉलर्सच्या व्यापारावर परिणाम होण्याची शक्यता आहे. अमेरिकेनं भारतावर अतिरिक्त २५ टक्के टॅरिफ लावण्यामागं कारण सांगितलं की, भारत रशियामधून तेल खरेदी करत असल्यानं रशिया युक्रेनविरोधात युद्ध करत आहे. हा पश्चिमी देशांच्या भावनेविरोधात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.