मी तर चोरांचा सरदार... : कृषिमंत्र्यांचे अजब विधान!

पाटणा : बिहारचे (bihar) कृषिमंत्री (Agriculture Minister) सुधाकर सिंह हे त्यांच्या एका विधानामुळे (statement) चर्चेत आले आहेत. ‘कृषी विभागात अनेक चोर आहेत आणि ते चोरांचे (Thief) सरदार आहेत. माझ्यावरही अनेक चोर आहेत,’ असे वक्तव्य कैमूरमधील एका सभेत बोलताना मंत्री सिंह यांनी केले आहे. विशेष म्हणजे हे वक्तव्य माध्यमात आल्यानंतरही ते आपल्या वक्तव्यावर ठाम आहेत. ‘मी जे काही बोललो आहे, त्यावर मी आजही ठाम आहे. जी वास्तव परिस्थिती आहे, तीच मी सांगितली आहे, असे त्यांनी स्पष्ट केले. (I am the chief of thief's : Agriculture Minister Sudhakar Singh)

कृषीमंत्री सुधाकर सिंह म्हणाले की, मी माझ्या विधानावर ठाम आहे. मी जे काही बोललो आहे, त्यावर मी अजूनही कायम आहे. जी सद्यपरिस्थिती आहे, त्यावरच मी बोललो आहे. हे मी माझ्या फेसबुक लाईव्हमध्ये सांगितले आहे. तुम्हाला माध्यमांमध्ये जे चालवायचे ते चालवा, पण जनतेने मला निवडून दिलेले आहे. मी माझ्या विधानावर ठाम आहे, त्या व्यतिरिक्त मला काही बोलायचे नाही. जनतेच्या प्रश्नांवर मात्र मी कायम लढत राहीन.

बिहारच्या कैमूर येथील सभेत बोलताना कृषी मंत्री सुधाकर सिंह म्हणाले होते की, मी चोरांचा सरदार आहे आणि माझ्यावरही अनेक चोर आहेत. आमच्या कृषी विभागाचा असा एकही भाग नाही, ज्यात चोरी होत नाही. त्यामुळे आम्ही चोरांचे सरदार झालो आहोत. मी जर हे बोललो नाही तर सर्व काही चांगले चालेले आहे, असे आपल्या सर्वांना वाटत राहील. पण परिस्थिती तशी नाही, असेही मंत्र्यांनी आवर्जून सांगितले.

कृषी विभागात आम्ही एकटेच चोरांचे सरदार नाही तर, आमच्यापेक्षाही वरचे अनेक लोक त्यात आहेत. बियाणे महामंडळ शेतकऱ्यांना मदत करण्याऐवजी १०० ते १५० कोटी रुपयांची चोरी करतात, असेही बिहारचे कृषीमंत्री सुधाकर सिंह यांनी म्हटले आहे.