Karnataka Election : भाजपचे नेते येदियुरप्पांचा नातू JDS कडून रिंगणात ; बारा उमेदवार बदलले..

karnataka Election 2023 jd s releases its third list of 59 candidates : कर्नाटक विधानसभा निवडणुकीसाठी काँग्रेस,भाजपाने चार उमेदवारी याद्या जाहीर केल्या आहेत. त्यानंतर कर्नाटकातील सर्वात जुनी प्रादेशिक पार्टी जेडीएसने आपल्या उमेदवारांची तिसरी यादी जाहीर केली आहे.

जेडीएसचे ज्येष्ठ नेते, माजी मुख्यमंत्री कुमार स्वामी यांनी या यादीत ५९ उमेदवारांच्या नावाची घोषणा केली आहे. यात भाजप आणि काँग्रेसमधून आलेल्यांना जेडीएसने निवडणुकीच्या मैदानात उतरवले आहे.

यात भाजपमधून आलेले अयानूर मंजूनाथ यांना शिवमोग्गा विधानसभा मतदार संघातून तिकीट दिले आहे. तर काँग्रेसचे नेता रघु अचार यांना चित्रदुर्ग विधानसभेचे तिकीट देण्यात आले आहे.

भाजपचे नेते, माजी मुख्यमंत्री बीएस येदियुरप्पा यांचे नातू एनआर संतोष यांना अरसीकेरे विधानसभचे तिकीट जेडीएसने दिले आहे. एनआर संतोष यांना गेल्या आठवड्यात भाजपने तिकीट नाकारले होते.

काँग्रेसचे माजी आमदार अनिल लाड यांना बल्लारी विधानसभेची उमेदवारी देण्यात आली आहे. विविध कारणासाठी जेडीएसने बल्लारी शहर, मांड्या, वरुणा, राजाजीनगरसह बारा विधानसभा मतदार संघात उमेदवार बदलले आहे.

माजी पंतप्रधान एचडी देवेगौडा यांच्या नेतृत्वाखालील जेडीएसने नंजनगुड येथे काँग्रेसचे उमेदवार दर्शन ध्रुवनारायण यांना पाठिंबा देण्याचे ठरवलं आहे.काँग्रेसने दिवंगत ध्रुवनारायण यांच्या मुलालांना निवडणुकीच्या रिंगणात उतवले आहे. बीएस येदियुरप्पा यांचे नातू एनआर संतोष यांनी काही दिवसापूर्वी भाजपला सोडचिठ्ठी देत एचडी कुमारस्वामी यांच्या उपस्थितीत प्रवेश केला होता.

संतोष हे येदियुरप्पा यांच्या बहीणीचे नातू आहेत. येदियुरप्पाचे निकटवर्तीय म्हणून संतोष यांची ओळख आहे. त्यांनी त्यांच्यासोबत कामही केले आहे. ते अससीकेरे येथे तीन वर्षापासून समाज कार्यात सक्रिय आहेत.

जेडीएसकडून निवडणूक लढविण्यास ते इच्छुक होते. पण भाजपने त्यांना तिकीट दिले नाही. संतोष यांच्या समर्थकांनी भाजपच्या विरोधात आंदोलन केलं. आपल्या नातवाचा तिकीट न दिल्याने येदियुरप्पा यांच्या बहीनींने आपल्या भावाबाबत नाराजी व्यक्त केली आहे.

(Edited By : Mangesh Mahale)