Yathindra Siddaramaiah Calls for Fresh Congress Leadership : मागील काही महिन्यांपासून कर्नाटकच्या राजकारणात सातत्याने मुख्यमंत्री बदलाच्या चर्चा सुरू आहेत. सिध्दरामय्यांची जागा सध्याचे उपमुख्यमंत्री व प्रदेश काँग्रेसचे अध्यक्ष डी. के. शिवकुमार हे घेऊ शकतात, असा दावा पक्षातील नेत्यांकडूनच केला जात आहे. त्यातच आता खुद्द सिध्दरामय्या यांच्या लेकानंच धक्कादायक भाकित करत देशाच्या राजकारणात खळबळ उडवून दिली आहे.
बेळगावमध्ये आयोजित एका कार्यक्रमात सिध्दरामय्या यांचे पुत्र आमदार यतिंद्र यांनी वडिलांच्या निवृतीचेच संकेत दिल्याची चर्चा आता सुरू झाली आहे. आपले वडील राजकीय करिअरच्या शेवटच्या टप्प्यात असल्याचे ते म्हणाले आहेत. त्यांनी आता मंत्री सतिश जारकीहोळी यांच्यासारख्या नेत्यांचे मार्गदर्शक म्हणून काम करावे, असेही त्यांनी सुचविले आहे.
यतिंद्र यांचे या विधानामुळे राजकीय क्षेत्रात चर्चांना उधाण आले आहे. त्यांनी डी. के. शिवकुमार आणि त्यांच्या समर्थकांना भ्रमात ठेवण्यासाठी जाणीवपूर्वक हे विधान केले असावे, अशीही चर्चा आहे. याबाबत अद्याप यतिंद्र यांच्यासह सिध्दरामय्या यांनीही खुलासा केलेला नाही. दरम्यान, डी. के. शिवकुमार यांनी आपल्याला मुख्यमंत्रिपदावर जाण्याची घाई नसल्याचे यापूर्वीच स्पष्ट केले आहे. तसेच नेतृत्व बदलाबाबत चर्चा न करण्यची तंबीही त्यांनी पक्षातील नेते व पदाधिकाऱ्यांना दिली होती.
नेमकं काय म्हणाले यतिंद्र?
बेळगावी येथील कार्यक्रमात मंत्री जारकीहोळी हेही उपस्थित होते. त्यांच्यासमोर बोलताना यतिंद्र म्हणाले, माझे वडील त्यांच्या राजकीय करिअरच्या शेवटच्या टप्प्यात आहेत. या टप्प्यावर त्यांना एक अशा नेत्याची आवश्यकता ज्याची विचारधारा पक्की असेल, सुधारणावादी मानसिकता असेल, ज्यांचे ते मार्गदर्शक असतील. जारकीहोळी हे त्यापैकी एक आहेत. ते पक्षाचे कणखरपणे नेतृत्व करू शकते, पक्षाची विचारधारा पुढे नेऊ शकतात. विचारधारेशी एकनिष्ठ असलेले असे नेते शोधणे दुर्मिळ असल्याचेही यतिंद्र म्हणाले.
सिध्दरामय्या यांनीही यापूर्वी मीडियाशी बोलताना नेतृत्व बदलाच्या चर्चांना अफवा म्हटले होते. मीच मुख्यमंत्रिपदावर पाच वर्षे राहणार असल्याचे स्पष्ट केले होते. जारकीहोळी हे सिध्दरामय्या यांचे विश्वासू समर्थक मानले जातात. त्यांचा शिवकुमार यांच्या नेतृत्वाला विरोध असल्याचे मानले जाते. यतिंद्र यांनी जारकीहोळी यांचे उघडपणे कौतुक करत शिवकुमार यांना डिवचल्याचे मानले जात आहे. मात्र, त्यांच्या विधानामुळे पुन्हा एकदा मुख्यमंत्री बदल आणि सिध्दरामय्या यांच्या राजकीय करिअरबाबत चर्चा सुरू झाल्या आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.