BJP candidates first List News : लोकसभेची निवडणूक तोंडावर आली असल्याने सर्वच राजकीय पक्षांनी जोरदार हालचाली सुरू केल्या आहेत. भाजपने निवडणुकीसाठी कंबर कसली असून लोकसभा निवडणुकीच्या तारखा जाहीर होण्याआधीच तब्बल 16 राज्यांतील 195 उमेदवारांची घोषणा केली आहे. ही यादी जाहीर झाल्यानंतर काही विद्यमान खासदारांना पुन्हा संधी मिळाली तर अनेकांचा पत्ता कट करण्यात आला आहे. त्यामुळे 'कही खुशी, कही गम' अशी परिस्थिती पाहायला मिळत आहे. (Marathi News)
भाजपने (BJP) विद्यमान खासदांचा पत्ता कट केलेल्यांमध्ये साध्वी प्रज्ञा सिंह ठाकूर यांचा समावेश आहे. साध्वी प्रज्ञा सिंह ठाकूर या भोपाळमधून खासदार होत्या. आता त्यांच्याऐवजी आता आलोक शर्मा यांना तिकीट देण्यात आले आहे. त्यामुळे साध्वी प्रज्ञा सिंह ठाकूर (Sadhvi Pragya Singh Thakur) यांना मोठा धक्का बसला असून त्यांना वादग्रस्त वक्तव्य भोवल्याची चर्चा राजकीय वर्तुळात सुरु झाली आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
केंद्रीय मंत्री मिनाक्षी लेखी यांचाही पत्ता कट करण्यात आला आहे. याबरोबरच केपी यादव यांच्या मतदारसंघातून आता ज्योतिरादित्य शिंदे (Jyotiraditya Shinde) यांना संधी देण्यात आली आहे. साध्वी प्रज्ञा सिंह यांचं तिकीट कापलं आलं आहे. तसेच रमेश बिधुरी हे दक्षिण दिल्लीतून भाजपचे खासदार आहेत. मात्र, त्यांचाही पत्ता कट करत त्यांच्या जागेवर आता रामबीर सिंह बिधुरी यांना संधी देण्यात आली आहे.
लोकसभा निवडणुकीच्या तारखा लवकरच जाहीर होण्याची शक्यता आहे. या पर्श्वभूमीवरच भाजपने तब्बल 16 राज्यांतील 195 उमेदवारांची घोषणा केली. ही यादी जाहीर केल्यानंतर आता भाजप आपल्या उमेदवारांची दुसरी यादी देखील लवकरच जाहीर करण्याची शक्यता आहे. त्यामुळे दुसऱ्या यादीत कोणाला धक्का आणि कोणाला पुन्हा लोकसभेत जाण्याची संधी मिळते, हे पाहणे महत्वाचे असणार आहे. (LokSabha Election 2024)
दरम्यान, रविवारी भाजप नेते विनोद तावडे (Vinod Tawde) यांनी उमेदवारांच्या नावांची घोषणा केलेल्या पहिल्या यादीमध्ये पंतप्रधान नरेंद्र मोदी, अमित शाह, स्मृती ईराणी, राजनाथ सिंह, हेमा मालिनी, शिवराज सिंह चौहान, मनोज तिवारी, रवी किशन, ज्योतिरादित्य शिंदे यांच्यासह आदी दिग्गज नेत्यांचा समावेश आहे. मात्र, पहिल्या यादीत महाराष्ट्रातील कोणाचाही समावेश करण्यात आलेला नाही.
(Edited By-Ganesh Thombare)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
