'आता हे अण्णा हजारेंच्या खांद्यावर बंदूक ठेवून चालवत आहेत'

Arvind Kejriwal : गेल्या काही दिवसांपासून भाजप आणि आम आदमी पक्षामध्ये (AAP) संघर्ष बघायला मिळत आहे. रोजच राजकीय आरोप-प्रत्यारोपाच्या फैरी एकमेकांवर झडत आहेत. दरम्यान दिल्लीचे मुख्यमंत्री अरविंद केजरीवाल (Arvind Kejriwal) यांनी पुन्हा एकदा भाजपवर निशाणा साधला आहे.

केजरीवाल म्हणाले की, ते (BJP) लिकर धोरणात घोटाळा झाल्याचे भाजपकडून सांगण्यात येत होते. मात्र सीबीआयने घोटाळा झाला नसल्याचे सांगितले आहे. लोक त्याचं ऐकत नाहीत. म्हणून ते आता अण्णा हजारे (Anna Hazare) यांच्या खांद्यावर बंदूक ठेवून चालवत असल्याचा आरोप त्यांनी केला आहे. (Arvind-kejriwal-and-modi Latest News)

केजरीवाल म्हणाले की, आम्ही कोणत्याही तपासासाठी तयार आहोत. सीबीआयने सर्व तपास पूर्ण केला केला असून मनीष सिसोदिया यांना 14 तास चौकशी केली. त्यांनी त्यांच्या प्रश्नांची समाधानकारक उत्तरे दिली आहेत. मात्र त्यांच्या लॉकरमध्ये काहीही सापडले नसून त्यांना क्लीन चिट देण्यात आल्याचा दावा त्यांना केला आहे. आता सीबीआयच्या तपासातून काहीही निष्पन्न झाले नसून त्यात कोणतेही राजकारण करू नये, त्यांना प्रत्येकी 20 कोटी रुपयांला दिल्लीतील आमदार कसे विकत घ्यायचे होते. याचा तपास व्हायला हवा पाहिजे. जर आम्ही यापासून पळ काढत नाही तर ते का काढत आहेत?, असा सवालही त्यांनी उपस्थित केला.

दरम्यान, ज्येष्ठ सामाजिक कार्यकर्ते अण्णा हजारे यांनी दिल्लीच्या लिकर धोरणावर मुख्यमंत्री केजरीवालांना पत्र लिहिले होते. या पत्राबाबत अण्णा हजारे म्हटले होते की, त्यांनी (मुख्यमंत्री केजरीवाल) प्रत्येक वॉर्डात दारूची दुकाने उघडली आणि वयोमर्यादा 25 वर्षांवरून 21 वर्षे केली आहे. ते दारूला प्रोत्साहन देत असून मी त्यांना पहिल्यांदाच त्याविरोधात पत्र लिहिले आहे. जेव्हा मी विरोध करत होतो तेव्हा ते मला त्यांचे गुरू म्हणायचे, आता त्या भावना कुठे गेल्यात?, असे म्हटले आहे.