New Delhi News : पंतप्रधान नरेंद्र मोदी आणि त्यांच्या दिवंगत आई हीराबेन मोदी यांचा एआय-जनरेटेड व्हिडिओ दाखवल्याबद्दल दिल्ली पोलिसांनी काँग्रेस (Congress) पक्षाविरुद्ध गुन्हा दाखल केला आहे. हा गुन्हा भाजप दिल्ली निवडणूक सेलचे संयोजक संकेत गुप्ता यांच्या तक्रारीनंतर दाखल करण्यात आला आहे.
दिल्ली पोलिसांनी हा गुन्हा शनिवारी(ता.13) दाखल केला आहे. काँग्रेस बिहार युनिटच्या अधिकृत हँडलवरून 10 सप्टेंबर रोजी सोशल मीडियावरील प्लॅटफॉर्म X वरील एका पोस्टशी संबंधित हा गुन्हा आहे. ज्यात कथितपणे वादग्रस्त एआय-जनरेटेड व्हिडिओ शेअर केला होता.
बिहार काँग्रेसच्या अधिकृत सोशल मीडिया हँडलवरून 10 सप्टेंबर रोजी प्लॅटफॉर्म X वर एआय/डिपफेक व्हिडिओ पंतप्रधान नरेंद्र मोदी आणि त्यांच्या दिवंगत आईची प्रतिमा खराब करणे - कायदा, नैतिकता आणि महिलांच्या प्रतिमेचे घोर उल्लंघन" प्रसारित केल्याबद्दल दिल्ली पोलिसांनी भारतीय न्याय संहिता, 2023 च्या कलम 18(2), 336(3), 334(4), 340(2), 352, 356(2) आणि 61(2) अंतर्गत एफआयआर दाखल केला आहे.
भाजप (BJP) दिल्ली निवडणूक सेलचे संयोजक संकेत गुप्ता यांनी भारतीय राष्ट्रीय काँग्रेसविरुद्ध दाखल केलेल्या तक्रारीनुसार, "एआय'ने काँग्रेसने जनरेट केलेला व्हिडिओ 10 सप्टेंबर रोजी बिहार काँग्रेसने सोशल मीडियावर एक AI-जनरेट केलेला व्हिडिओ शेअर केल्यानंतर वाद निर्माण झाला. त्यात पंतप्रधान नरेंद्र मोदी आणि त्यांच्या दिवंगत आई हीराबेन मोदी यांचा संवाद दिसून येत आहे.
या व्हिडिओमध्ये हिंदीमध्ये एक कॅप्शन होते ज्याचे भाषांतर "साहबच्या स्वप्नात आई दिसते. एआय-जनरेटेड असे लिहिलेले 36 सेकंदांचे हे क्लिप स्वप्नातील दृश्य दाखवते ज्यामध्ये पंतप्रधान मोदींसारखे दिसणारे एक पात्र त्यांच्या दिवंगत आईसोबत त्यांच्याशी बोलताना दिसते.
पंतप्रधान नरेंद्र मोदी आणि त्यांच्या दिवंगत आई हिराबेन मोदी यांच्यावर बनवलेल्या डीपफेक एआय व्हिडिओ प्रकरणी मोठी कारवाई करण्यात आली आहे. भाजप दिल्ली निवडणूक सेलचे संयोजक संकेत गुप्ता यांच्या तक्रारीवरून नॉर्थ अव्हेन्यू पोलिस ठाण्यात एफआयआर दाखल करण्यात आला आहे.
काँग्रेसने पोस्ट केलेले बिहारचे माजी मंत्री तेज प्रताप यादव म्हणाले की, राजकारणाच्या कसवर आईसारख्या शब्दाचे वजन करणे पाप आहे. काँग्रेस असो वा भाजप, कोणीही राजकीय हेतूंसाठी हा शब्द वापरू नये. तेज प्रताप म्हणाले की, आई ही देवाचे रूप आहे, ती नऊ महिने आपल्या पोटात बाळाला बाळगते. त्यामुळे "आई" सारख्या पवित्र शब्दावर राजकारण करणे असंवेदनशील आहे आणि त्याचा निषेध केला पाहिजे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.