Karnataka Election Result : निपाणीमधून राष्ट्रवादी काँग्रेसचे उत्तमराव पाटील आघाडीवर

बेळगाव दक्षिणमधून महाराष्ट्र एकीकरण समितीचे उमेदवार, तर निपाणीमधून राष्ट्रवादी काँग्रेसचे उमेदवार उत्तमराव पाटील हे आघाडीवर गेले आहेत.

ncpsarkarnama

Published on:

13 May 2023, 11:51 am IST

Updated on:

13 May 2023, 11:51 am IST

बंगळूर : बेळगाव दक्षिणमधून महाराष्ट्र एकीकरण समितीचे उमेदवार, तर निपाणीमधून राष्ट्रवादी काँग्रेसचे उमेदवार उत्तमराव पाटील हे आघाडीवर गेले आहेत. सुरुवातीच्या कलामध्ये राष्ट्रवादीचे पाटील आघाडीवर होते. मात्र, काही फेऱ्यात ते पिछाडीवर गेले होते. आता ते पुन्हा ते आघाडीवर गेले आहेत. (Uttamrao Patil of NCP is leading from Nipani)

भाजपच्या शशिकला जोल्ले, काकासाहेब पाटील, उत्तमराव पाटील आणि जयराम मिरजकर यांच्यात चौरंगी लढत झाली होती. त्यात सध्या राष्ट्रवादी काँग्रेसचे (NCP) उमेदवार उत्तमराव पाटील आघाडीवर आहेत. तर भाजपच्या शशिकला जोल्ले या दुसऱ्या क्रमांकावर आहेत. या दोघांमध्ये अवघ्या शेकड्यांचा फरक आहे. पहिल्या टप्प्यात आघाडीवर असलेले उत्तमराव पाटील हे मध्यंतरी पिछाडीवर गेले होते. त्यानंतर आता पाटील हे आघाडीवर आले आहेत.

Karnataka Election Result : भाजपतून काँग्रेसमध्ये आलेले जगदीश शेट्टार पिछाडीवर, तर लक्ष्मण सावदी आघाडीवर; भाजपचा बडा नेताही पिछाडीवर

उपमुख्यमंत्री देवेंद्र फडणवीस यांनी निपाणीत सभा घेतली होती. त्या ठिकाणी त्यांनी राष्ट्रवादीवर हल्लाबोल केला होत. साडेतीन जिल्ह्याचा पक्ष कर्नाटका काय करणार, असा सवाल करत या पक्षाला येथून हाकलून द्या, असे आवाहन त्यांनी केले होते. त्याचवेळी ज्येष्ठ नेते शरद पवार हे उत्तमराव पाटील यांच्यासाठी मैदानात उतरले होते. त्या ठिकाणी सभा घेत पवारांन फडणवीसांना सडेतोड उत्तर दिले होते. दुसरीकडे राष्ट्रवादीच्या अनेक नेत्यांनी मतदानादरम्यान निपाणीत तळ ठोकला हेाता.

Karanataka Election Result : काँग्रेस ११० जागांवर आघाडीवर भाजपची पिछेहाट; कुमारस्वामी किंगमेकरच्या भूमिकेत?

बेळगाव दक्षिणमधून महाराष्ट्र एकीकरण समितीचे उमेदवार हे आघाडीवर गेले आहेत. त्यामुळे आघाडीच्या आशा पल्लवित झाल्या आहेत. समितीने बेळगाव जिल्ह्यातील सर्व जागांवर एकच उमेदवार देत निवडणूक लढवली आहे. मात्र, ते सर्व पिछाडीवर असल्याचे स्पष्ट झाले आहे.