Ahmedabad News: अहमदाबाद येथे एअर इंडियाच्या विमानाच्या भीषण अपघाताची घटना गुरुवारी (ता.12) घडली. यात गुजरातचे माजी मुख्यमंत्री विजय रुपाणी (Vijay Rupani) हेही प्रवास करत असल्याची माहिती समोर आल्यानंतर एकच खळबळ उडाली होती. पत्नीला भेटण्यासाठी लंडनला निघालेल्या रुपाणींचाही आता या विमान दुर्घटनेत दुर्देवी मृत्यू झाला आहे. यामुळे पंतप्रधान नरेंद्र मोदींना मोठा धक्का बसला असून रुपाणींच्या रुपानं त्यांनी आपला जिवलग मित्र आणि गुजरातमधील अत्यंत विश्वासू सहकारी गमावला आहे.
गुजरात भाजपचे प्रदेशाध्यक्ष सी आर पाटील यांनी आता विजय रुपाणी यांच्या निधनाच्या बातमीला दुजोरा दिला आहे. यांनी पीटीआय या वृत्तसंस्थेशी संवाद साधताना अहमदाबाद येथील विमान अपघातावर भाष्य करताना विजय रुपाणी यांच्या निधनाबाबतही माहिती दिली आहे. मात्र, अधिकृतरित्या रुपाणी यांच्या निधनाची अद्याप घोषणा करण्यात आलेली नाही.
मिळालेल्या माहितीनुसार, गुरुवारी अहमदाबादहून लंडनकडे जाणाऱ्या एअर इंडियाच्या AI171 या फ्लाइटचा टेकऑफदरम्यान अपघात (Ahmedabad Air Flight Crash) झाला. विमानात 242 प्रवासी होते. त्यापैकी 53 ब्रिटिश, 7 पोर्तुगीज आणि एक कॅनेडियन नागरिक होता. आतापर्यंत अपघातस्थळावरून 204 हून अधिक मृतदेह काढण्यात आले आहेत. या विमानात गुजरातचे माजी मुख्यमंत्री विजय रूपाणी सुद्धा प्रवास करत होते. हे त्यांच्या नावाचा बोर्डिंग पास समोर आल्यानंतर यापूर्वीच स्पष्ट झालं होतं.
माजी मुख्यमंत्री,गुजरात भाजपचे अध्यक्ष राहिलेल्या विजय रुपाणी यांचाही मृत्यू झाल्याचीही माहिती समोर आली आहे. ते या विमानातून आपल्या पत्नीला भेटायला लंडनला निघाले होते. मात्र, या अपघातात त्यांचाही दुर्दैवी मृत्यू झाला आहे.
लंडनला निघालेल्या एअर इंडिया विमानाचा भीषण अपघाताची दुर्देवी घटना घडली. या अपघातात विमानातील क्रू मेंबर्ससह 200 हून अधिक प्रवाशांचा मृत्यू झाल्याची माहिती समोर आली आहे. मात्र,या अपघातात मृत्युमुखी पडलेल्या प्रवाशांमध्ये गुजरातचे माजी मुख्यमंत्री विजय रुपाणी यांचाही समावेश होता. त्यांच्या निधनामुळे त्यांचे कुटुंबीय आणि जनतेवर शोककळा पसरली आहे.
विजय रुपाणी हे पंतप्रधान नरेंद्र मोदी आणि केंद्रीय गृहमंत्री अमित शाह यांच्या अत्यंत विश्वासू आणि जवळचे नेते होते. त्यांचा जन्म 2 ऑगस्ट 1956 रोजी म्यानमारमधील यांगोन येथे झाला. त्यांच्या आईचे नाव मायाबेन आणि वडिलांचे नाव रमणिकलाल रूपाणी होते. सात भावंडांमध्ये विजय रूपाणी हे सगळ्यात धाकटे होते.
1960 मध्ये म्यानमारमधील राजकीय अस्थिरतेमुळे त्यांचे कुटुंब भारतात स्थलांतर करून राजकोट येथे स्थायिक झाले. गुजरातमधील सौराष्ट्र विद्यापीठातून त्यांनी बीए आणि एलएलबीची पदवी मिळवली. भाजपच्या महिला आघाडीच्या कार्यकर्त्या असलेल्या अंजली यांच्याशी त्यांनी विवाह केला होता. त्यांना एक मुलगा आहे जो इंजिनिअर आहे, तसेच एक मुलगी आहे जिने लग्न केले आहे.
मोदींच्या मुख्यमंत्रिपदाच्या कार्यकाळात 2013 मध्ये रुपाणी यांनी गुजरात म्युनिसिपल फायनान्स बोर्डचे चेअरमन म्हणून काम पाहिले होती. 2014 मध्ये त्यांनी राजकोट वेस्ट मतदारसंघातून आमदारकीची निवडणूक जिंकली. त्याच वर्षी आनंदीबेन पटेल यांच्या सरकारमध्ये त्यांना परिवहन मंत्री बनवण्यात आले होते.
2016 मध्ये ते गुजरात भाजपचे अध्यक्ष झाले. 7 ऑगस्ट 2016 रोजी ते गुजरातचे मुख्यमंत्री झाले. 2017 मध्ये भाजपने गुजरातमध्ये निवडणूक जिंकली आणि विजय रूपाणी यांना पुन्हा मुख्यमंत्री पद देण्यात आले. गुरुवारी अहमदाबादहून लंडनकडे जाणाऱ्या एअर इंडियाच्या AI171 या फ्लाइटचा टेकऑफदरम्यान अपघात झाला. या विमानात गुजरातचे माजी मुख्यमंत्री विजय रूपाणी सुद्धा प्रवास करत होते. हे आता त्यांच्या नावाचा बोर्डिंग पास समोर आल्यानंतर स्पष्ट झालं आहे.
एअर इंडियाच्या अपघातग्रस्त विमानात एकूण 242 प्रवासी प्रवास करत होते. यातील बऱ्याच प्रवाशांचा मृत्यू झाल्याची भीती व्यक्त केली जात आहे. याच विमानात विजय रुपाणी हेदेखील प्रवास करत होते. त्यांचा विमानातील एक फोटोदेखील समोर आला आहे. विमानात बसलेल्या एका प्रवाशाने हा फोटो काढला होता. मात्र, हे विमान क्रॅश झाल्यानंतर या दुर्घटनेत विजय रुपाणी यांचा मृत्यू झाला आहे. भाजप खासदार परिमल नाथवानी यांनी काही तासांपूर्वीच एक्स या सोशल मीडिया प्लॅटफॉर्मवर एक ट्विट केलं आहे. त्यांनी आपल्या या ट्विटमध्ये विजय रुपाणी यांचं दुखद निधन झाल्याची माहिती देत दु:ख व्यक्त केलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.