Vaishnavi Hagwane Case : वैष्णवी हगवणे आत्महत्या प्रकरणात दररोज नवनवीन खुलासे होत आहेत. वैष्णवीचे सासरे राजेंद्र आणि सुशीलला पुणे पोलिसांनी अटक केली आहे. हे दोघेही फरार झाल्यापासून लक्झरी गाड्यांमधून फिरत असल्याची धक्कादायक माहिती समोर आली आहे. त्यातच सामाजिक कार्यकर्त्या अंजली दमानिया यांनी पुन्हा एकदा वैष्णवीच्या पतीच्या मामांबाबत गंभीर आरोप केले आहेत.
पोलिस महानिरीक्षक जालिंदर सुपेकर हे राजेंद्र हगवणे यांचे मेव्हणे असल्याचा दावा दमानिया यांनी यापूर्वीच केला आहे. त्यांच्या दबावामुळे पोलिसांनी तातडीने कारवाई केली नाही, असा आरोपही त्यांनी केला होता. सुपेकर यांनी मात्र सर्व आरोप फेटाळून लावले आहे. हगवणे हे आपले लांबचे नातेवाईक असून त्यांच्याशी अनेक महिन्यांपासून कसलाही संवाद नसल्याचे सुपेकरांनी स्पष्ट केले आहे.
त्यानंतर दमानिया यांनी पुन्हा एकदा सुपेकरांवर निशाणा साधला आहे. त्यांनी शुक्रवारी (ता. 23) एक्सवर एक धक्कादायक पोस्ट करत सुपेकरांवर गंभीर आरोप केले आहे. त्यांनी कर्मचाऱ्याची सुसाईड नोट पोस्ट केली असून ही अशोक सादरे यांची असल्याचा दावा केला आहे. सुपेकरांनी केलेल्या मानसिक छळामुळे सादरेंनी आत्महत्या केल्याचा दावा दमानियांनी केला आहे.
वैष्णवीच्या नवऱ्याचे मामा IG जालिंदर सुपेकर हे सुद्धा त्यांच्या सहकाऱ्यांचा छळ करायचे. ही अशोक सादरे ह्यांची सुसाइड नोट. ह्या PSI अशोक सादरेंना जालिंदर सुपेकरांनी दोन महिन्याचे पैशाचे कलेक्शन दिले नाही म्हणून व दिवाळीचे सोनं दिले नाही म्हणून अतोनात मानसिक छळ केला आणि त्यांमुळे अशोक सादरेंनी देखील आत्महत्या केली होती, असे दमानियांनी पोस्टमध्ये म्हटले आहे.
इतकी बेकार माणसं आहेत ही. मुख्यमंत्री देवेंद्र फडणवीस व श्रीकर परदेशी ह्यांना मी ही व 500 कोटींच्या भ्रष्टाचाराची सखोल चौकशी व्हावी, अशी विनंती केली असल्याचे दमानियांनी एक्सवरील पोस्टमध्ये स्पष्ट केले आहे. 500 कोटींच्या कथित भ्रष्टाचाराप्रकरणी सुपेकरांची चौकशी सुरू असल्याचा दावा दमानियांनी गुरूवारी केला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.