Raj-Uddhav Thackeray: मोठी बातमी! राज ठाकरे दुसऱ्यांदा मातोश्रीवर; बंद दाराआड 40 मिनिटे चर्चा, पडद्यामागे नेमके काय घडतंय?

Mumbai News : हिंदी सक्तीच्या विरोधात एकत्र आलेले राज व उद्धव ठाकरे हे रविवारी पुन्हा एकदा एकत्र आल्याचे पाहवयास मिळाले. उद्धव ठाकरे यांच्या शिवसेनेचे खासदार संजय राऊत यांच्या नातवाच्या बारशाचा कार्यक्रम रविवारी पार पडला. या कार्यक्रमास माजी मुख्यमंत्री उद्धव ठाकरे व मनसेचे नेते राज ठाकरे यांनी हजेरी लावली होती. या कार्यक्रमानंतर राज ठाकरे दुसऱ्यादा मातोश्रीवर गेले. यावेळी ठाकरे बंधूमध्ये सुमारे 40 मिनिटे चर्चा झाली. या दोघांमध्ये आगामी काळात होत असलेल्या महापलिका निवडणुकीबाबत चर्चा झाली असावी अशी माहिती सूत्रांनी दिली.

राज्यात दिवाळीनंतर स्थानिक स्वराज्य संस्थेच्या निवडणूका होणार आहेत. त्यामुळे राज्यातील वातावरण ढवळून निघाले आहे. येत्या काळात होत आलेल्या मुंबई महापलिका निवडणुकीत ठाकरे बंधूची युती होणार असल्याची चर्चा रंगली आहे. त्यामुळे येत्या काळात उद्धव ठाकरे (Uddhav Thackeray) यांची शिवसेना व मनसेची युती होणार असल्याने त्याबाबत यावेळी चर्चा झाली असावी अशी चर्चा रंगली आहे.

आगामी काळात होत असलेल्या मुंबई महापलिका निवडणुकीसाठी शिवसेना व मनसेच्या युतीचा फॉर्म्युला ठरलेला नाही. त्यामुळे यावर दोघांमध्ये चर्चा झाली असल्याची माहिती सूत्रांनी दिली. गेल्या दोन महिन्याच्या काळात राज ठाकरे (Raj Thackeray) दुसऱ्यादा मातोश्रीवर आले आहेत. यापूर्वी उद्धव ठाकरे यांच्या वाढदिवशी जुलै महिन्यात मातोश्रीवर येऊन त्यांनी शुभेच्छा दिल्या होत्या. त्यानंतर रविवारी त्यांनी पुन्हा एकदा हजेरी लावली. यावेळी दोन भावामध्ये सुमारे 40 मिनिटे चर्चा झाली.

या दोन्ही नेत्यांमध्ये मातोश्रीवर बंद दाराआड चर्चा झाली. तब्बल अर्धा तासाच्या चर्चेनंतर राज ठाकरे हे मातोश्रीवरून बाहेर पडले. या दोन्ही नेत्यांमध्ये नेमकी काय चर्चा झाली याची माहिती समजू शकलेली नाही. मात्र आगामी पालिका निवडणुकीतील युतीबाबत चर्चा झाली असल्याची शक्यताही नाकारता येत नाही. राज ठाकरे मातोश्रीवरून बाहेर पडताना रश्मी ठाकरे, आदित्य ठाकरे हे त्यांना निरोप देण्यासाठी बाहेर आले होते. यावेळी राज-उद्धव ठाकरेंनी हस्तांदोलन करत निरोप घेतला.

उद्धव ठाकरे यांच्या शिवसेनेचे खासदार संजय राऊत यांच्या नातवाच्या बारशाचा कार्यक्रम रविवारी पार पडला. या कार्यक्रमाच्या निमित्ताने ठाकरे बंधू पुन्हा एकदा एकत्रित आल्याने चर्चेला उधाण आले आहे.

गेल्या काही दिवसांपासून दोन्ही ठाकरे बंधूंमधील जवळीकता वाढत चालली आहे. हे रविवारी पुन्हा एकदा पहायला मिळाले. राज्य सरकरण हिंदी सक्तीच्या विरोधातील दोन्ही अध्यादेश रद्द केल्यानंतर वरळीत विजयी मेळावा पार पडला होता. या मेळाव्याला दोन्ही ठाकरे बंधूंनी अनेक वर्षांनंतर एकाच व्यासपीठावर हजेरी लावत शक्तिप्रदर्शन केले होते.

त्यानंतर उद्धव ठाकरे यांच्या वाढदिवसानिमित्त राज ठाकरे हे मातोश्रीवर आले होते, त्यांनी उद्धव ठाकरे यांना शुभेच्छा दिल्या, त्यानंतर उद्धव ठाकरे यांनी गणेश उत्सवात व त्यानंतर एकदा अशी दोनवेळा राज ठाकरे यांच्या निवासस्थानी ‘शिवतीर्थावर’ हजेरी लावली होती. समोर आलेल्या माहितीनुसार या भेटीत दोन्ही ठाकरे बंधूंमध्ये आगामी महापालिका निवडणुकीसंदर्भात महत्त्वाची बैठक पार पडली होती.