BJP Politics : मराठीच्या मुद्यावर मनसे आक्रमक झाली आहे. मीरा-भाईंदरमध्ये मनसेच्य कार्यकर्त्यांनी एका व्यापाऱ्याला मारहाण केली होती. परप्रांतीयांनी मराठीत बोलावे म्हणून मनसे आक्रमक झाली असताना भाजप मंत्र्यांकडून मनसेकडून करण्यात आलेल्या मारहाणीचा निषेध करण्यात आला आहे. मंत्री आशिष शेलार यांच्या पाठोपाठ महसूल मंत्री चंद्रशेखर बावनकुळे यांनी मनसेला इशारा दिला आहे.
'महाराष्ट्रात कितीतरी वर्षांपासून राहणारे लोक आहेत. ज्यांचा जन्म येथे झाला आहे असे लोक महाराष्ट्रात राहतात. त्यांना टार्गेट करणे चुकीचे आहे. ते पाकिस्तानचे आहेत असा व्यवहार करायला बिलकुल चालणार नाही. सरकारने कारवाई करायला पाहिजे, मी याबाबत बोलणार.', असा इशारा बावनकुळे यांनी दिला.
'मराठी लोकांचे संरक्षण आम्ही करतोच. पण बाहेरच्या लोकांना टार्गेट करणे योग्य नाही.आपले जे लोक इतर प्रदेशात राहतात त्यांच्यासोबतही उद्या असचं होऊ शकते. देशात अशी अराजकता पसरवणे ही मानसिकता ठीक नाही.', अशा कानपिचक्या देखील बावनकुळेंनी मनसेला दिल्या.
राज-उद्धव ठाकरे एकत्र येत असताना बावनकुळेंनी काँग्रेसचा पराभव उद्धव ठाकरेंमुळे झाले असल्याचे म्हटले आहे. काँग्रेस पार्टीला उद्धव ठाकरेंनी अपमानित केले. आता काँग्रेसने विचार करायचा आहे की त्यांना किती अपमानित व्हायचं, तो त्यांचा अंतर्गत प्रश्न आहे माझा प्रश्न नाही. पण काँग्रेसचा पराभव मागच्या निवडणुकीत उद्धव ठाकरेंसोबत आघाडी केल्याने झाला आहे,असे बावनकुळे म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.