Chhagan Bhujbal Politics : मनोज जरांगेंच्या बालेकिल्ल्यात जाऊन छगन भुजबळ ललकारणार; धनंजय मुंडे, लक्ष्मण हाके देखील राहणार उपस्थित

Chhagan Bhujbal News : सरकारने मनोज जरांगेंच्या आंदोलनानंतर हैद्रबाद गॅझेट संदर्भात जीआर काढला. या जीआरमुळे मराठा समाजाची ओबीसीमध्ये घुसखोरी होत असून त्यांना कुणबी प्रमाणपत्र उपलब्ध होत असल्याचे सांगत ओबीसी संघटना आक्रमक झाल्या. छगन भुजबळ यांनी या जीआरला विरोध करत आक्रमक भूमिका घेतली आहे. मनोज जरांगेंच्या आंदोलनाला सर्वाधिक प्रतिसाद बीड जिल्ह्यातून मिळाला. आता तेथेच छगन भुजबळ जरांगे पाटलांना ललकारनार आहेत.

शुक्रवारी (ता.17) भुजबळांच्या उपस्थितीमध्ये बीडमध्ये ओबीसींचा महाएल्गार मेळावा होणार आहे. त्यासाठी गावोगावी ओबीसींच्या बैठका देखील संपन्न होत आहेत. या मेळाव्यासाटी आमदार धनंजय मुंडे, गोपीचंद पडळकर, लक्ष्मण हाके हे देखील उपस्थित राहणार आहेत. या मेळाव्यासाठी मंत्री पंकजा मुंडे यांना देखील निमंत्रण देण्यात आले होते. मात्र, त्या उपस्थित राहणार की नाही याची माहिती समोर येऊ शकली नाही.

बीडच्या बीडच्या छत्रपती संभाजी महाराज मल्टीपर्पज मैदानावर ओबीसी महाल्गार मेळावा होणार आहे. या सभेसाठी ओबीसी संघटनांकडून जय्यद तयारी करण्यात आली आहे. शहरात बॅनर्स लावण्यात आली आहे. या मेळाव्याच्या माध्यमातून शक्तिप्रदर्शन केले जाणार असल्याचे देखील सांगितले जात आहे. दरम्यान,

मनोज जरांगेंचा इशारा

बीडमध्ये महाएल्गार सभेला जे नेते जातील त्यांच्या विरोधात मराठा समाज मतदान करेल, असा इशारा मनोज जरांगे-पाटील यांनी दिला आहे. आगामी स्थानिक स्वराज संस्थांच्या निवडणुकीत मराठा समाज हा सभेला उपस्थित राहणाऱ्यांच्या विरोधात भूमिका घेईल. गावागावातून कोण जात आहे, यावर देखील लक्ष ठेवले जाईल. सभेला जाणार मराठा असेल तरी त्याच्या विरोधात भूमिका घेतली जाईल, असे देखील जरांगे पाटील यांनी म्हटले आहे.