Dhangar Reservation News : एसटी प्रवर्गातून धनगर समाजाला आरक्षण मिळावे, यासाठी आंदोलन केले जात आहे. दीपक बोऱ्हाडे हे उपोषण करत आहेत. सरकारने शिष्टमंडळ पाठवून उपोषण मागे घेण्याची विनंती केली. मात्र, बोऱ्हाडे यांनी उपोषण मागे घेतले नाही. एसटीतून आरक्षण मिळावे, यासाठी आंदोलक आता आक्रमक झाले आहेत.
आरक्षणाच्या मागणीसाठी जालन्यातली लोणार भायगावचे सरपंच गोविंद जाधव यांनी भररस्त्यात आपली कार उभी करून जाळली. यावेळी त्यांनी धनगर आरक्षणाच्या मागणीच्या समर्थनार्थ घोषणाबाजी देखील केली.
बोऱ्हाडे यांच्या उपोषणानंतर त्यांच्या मागणीला पाठींबा मिळतो आहे. जालन्यात त्यांनी आयोजित केलेल्या मोर्चाला मोठा प्रतिसाद मिळाला. परभणीचे खासदार संजय जाधव यांनी देखील बोऱ्हाडे यांची भेट घेत त्यांच्या आरक्षणाच्या मागणीचे समर्थन करत त्यांना आपला पाठींबा जाहीर केला.
खासदार ओमराजे निंबाळकर, आमदार कैलास पाटील यांनी देखील दीपक बोऱ्हाडे यांची भेट घेऊन त्यांना धीर दिला व ठाम पाठिंबा दर्शविला. यावेळी खासदार संजय जाधव हे देखील त्यांच्यासोबत होते. ओमराजे म्हणाले, धनगर समाजाच्या एसटी प्रवर्गातून आरक्षणाच्या न्याय्य मागणीला पाठिंबा आहे.सरकारने तात्काळ या मागणीची दखल घेऊन धनगर समाजाला न्याय द्यावा, हीच अपेक्षा.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.