Eknath Shinde News : ठरलं ! मुख्यमंत्री शिंदेंची 'धनुष्यबाण यात्रा' निघणार; 'या' शहरातून सुरूवात..

Shivsena News : महाविकास आघाडीने तिन्ही प्रमुख पक्षांनी राज्यभरात एकत्रित सभा घेण्याचा निर्णय घेऊन, शिंदे-फडणवीस सरकारपुढे आव्हान निर्माण केले आहे. दोन एप्रिल छत्रपती संभाजीनगर येथून या सभांना सुरूवात होणार आहे. मात्र महाविकास आघाडीला या सभांना उत्तर देण्यासाठी स्वत: मुख्यमंत्री एकनाथ शिंदे (Ekanath Shinde) यात्रा काढणार आहेत.

छत्रपती संभाजीनगरमध्ये दोन एप्रिलला महाविकास आघाडीची सभा पार पडत आहे. याच सभेला प्रत्युत्तर म्हणून मुख्यमंत्री शिंदे धनुष्यबाण यात्रा काढणार आहेत. यात विशेष बाब म्हणजे, मुख्यमंत्र्यांची धनुष्यबाण यात्रेची सुरूवातसु्द्धा छत्रपता संभाजीनगर शहरातून होत आहे. आठ किंवा नऊ एप्रिलला शिंदेच्या धनुष्यबाण यात्रेला छत्रपती संभाजीनगरमधून सुरूवात होईल.

जिथे जिथे उद्धव ठाकरे सभा घेत आहेत, त्याच्य ठिकाणी मुख्यमंत्री शिंदे यांच्या सभा होत आहेत. असा उल्लेख मनसे अध्यक्ष राज ठाकरे यांनी आपल्या गुढी पाडवा मेळाव्यात केला. राज ठाकरे बोलल्याप्रमाणेच काहीसे चित्र आता दिसत आहे. कारण जिथे जिथे उद्धव ठाकरे सभा घेणार आहेत. त्याच ठिकाणी शिंदेंचेही यात्रा निघणार असल्याचे बोलले जाते.

छत्रपती संभाजीनगरमध्ये महाविकास आघाडी शिंदे-फडणवीस विरोधात आघाडी उघडणार आहे. त्याच ठिकाणाहून संभाजीनगरमध्ये एकनाथ शिंदे यांचा धनुष्यबाण यात्रेला सुरूवात होणार आहे. विशेष म्हणजे छत्रपती संभाजीनगरणधील ज्या मराठवाडा सांस्कृतिक मंडळाच्या मैदानावर शिवसेनाप्रमुख बाळासाहेब ठाकरे, उद्धव ठाकरे, राज ठाकरे,यांच्या मोठ्या सभा पार पडल्या. त्याच मैदानावर शिंदेंची 'धनुष्यबाण यात्रे'च्या सुरूवातीची सभा होणार आहे.