EC Press Conference : निवडणूक आयोगाची आज पत्रकार परिषद, मतदार यादीत घोळ? 'मविआ'च्या 'त्या' 32 हरकतींना मिळणार उत्तर

Election Commission : महाराष्ट्रात SIR प्रक्रिया निवडणूक आयोगाकडून राबवली जाणार आहे. त्या पार्श्वभूमीवर महाविकास आघाडीच्या नेत्यांनी दोन दिवासंपूर्वी मुख्य निवडणूक अधिकारी एस. चोक्कलिंगम यांची भेट घेत 32 हरकती आि सूचना नोंदवल्या होत्या. नेत्यांनी मतदार यादी प्रक्रियेवर गंभीर प्रश्न उपस्थित केले होते.

आदित्य ठाकरे यांनी एसआयआर प्रक्रियेला आमचा विरोध नाही मात्र ही प्रक्रिया पारदर्शकपणे पार पाडावी, असे म्हटले होते. अनेक मतदारांची नावे वगळली जात असल्याची तक्रार मतदार करत आहेत. अशाच प्रक्रियेतून बंगालमध्ये भाजपला फायदा झाला होता, तशी परिस्थिती महाराष्ट्रात निर्माण होऊ नये, असा इशारा देखील त्यांनी दिला होता.

महाविकास आघाडीच्या शिष्टमंडळाने मुख्य निवडणूक अधिकारी चोक्कलिंगम यांची भेट घेत त्यांना दोन दिवसांपूर्वी निवेदन दिले होते. त्यामुळे मविआच्या आक्षेपकांना मुख्य निवडणूक अधिकारी आज पत्रकार परिषदेमधून उत्तर देण्याची शक्यता आहे.

महाविकास आघाडीने बीएलओ नियुक्त्यांच्या संदर्भात देखील गंभीर प्रश्न उपस्थित केले होते. त्यमुळे आज दुपारी 3 वाजता मुख्य निवडणूक अधिकारी एस. चोक्कलिंगम पत्रकार परिषदेतून यावर सविस्तर उत्तर देण्याची शक्यता आहे.

एसआयआरसाठी घाई नको...

महाराष्ट्रामध्ये इतक्या निवडणूका नाहीत. निवडणुकीसाठी अजून तीन वर्षांचा कालावधी आहे. त्यामुळे नव्या मतदारांचे मार्गदर्शन, प्रबोधन आणि पडताळणी योग्य पद्धतीने व्हावी. एसआयआरसाठी घाई करू नये, तसेच निवडणूक प्रक्रिया निष्पक्ष, पारदर्शक आणि विश्वासार्ह ठेवण्यासाठी आयोगाने तातडीने मार्गदर्शन तव्वे जाहीर करावीत, अशी मागणी निवडणूक अधिकाऱ्यांना दोन दिवसांपूर्वी भेटलेल्या मविआच्या शिष्टमंडळाने केली होती.