Manwath Parbhani : माजी नगरसेवक तसेच काँग्रेसचे माजी शहराध्यक्ष श्याम चव्हाण यांनी आत्महत्या केल्याची धक्कादायक घटना समोर आली आहे. गुरुवारी सकाळी त्यांनी आत्महत्या केली. या प्रकरणी मानवत पोलिस ठाण्यात गुन्हा दाखल करण्यात आलेला आहे. श्याम चव्हाण हे दहा वर्ष मानवत शहराचे काँग्रेसचे शहराध्यक्ष होते. त्यांनी मागील काही दिवसांपूर्वीच शिवसेनेत प्रवेश केला होता.
पाणंद रस्ता रोखल्याने श्याम चव्हाण हे मानसिक तणावात होते. शिवारात त्यांनी खडी क्रशर मशिनचा व्यवसाय सुरू दोन वर्षांपूर्वी सुरू केला होता. मात्र, शिवाजी दहे यांनी जी जमीन खरेदी केली होती. त्यातून पाणंद रस्ता जात होता. मात्र, दहे यांनी पाणंद रस्ता वापरू दिला नाही. त्यातून चव्हाण आणि त्यांच्यात वाद होता.
रस्ता रहदारीसाठी बंद असल्याने तहसीलदारांकडे या प्रकरणी सुनावणी झाली होती. त्यांनी दहे यांना रस्ता रहदारीसाठी मोकळा करण्याचे आदेश दिले होते. मात्र,तरीदेखील ते ररस्ताने रहदारी करू देत नव्हते. त्यामुळे श्याम चव्हाण हे मागील काही दिवसांपासून मानसिक तणावात होते.
श्याम चव्हाण यांनी मानसिक तणावातून राहत्या घराच्या मागेच असलेल्या गोदामात गळफास घेऊन आत्महत्या केली. कुटुंबीयांनी त्यांना तत्काळ रुग्णालयात दाखल केला मात्र डाॅक्टरांनी त्यांनी मृत घोषित केले. दरम्यान, श्याम चव्हाण यांचे बंधू बालाजी यांनी दिलेल्या तक्रारीनुसार शिवाजी विठ्ठलराव दहे आणि अमर शिवाजी दहे यांच्यावर मानवत पोलिस ठाण्यात गुन्हा दाखल करण्यात आला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.