मुंबईमध्ये शनिवारी संध्याकाळी झालेल्या एका धक्कादायक घटनेत भाजपा नेत्या पंकजा मुंडे यांच्या पीए अनंत गर्जे यांच्या पत्नी डॉ. गौरी पालवे-गर्जे यांनी राहत्या घरात गळफास घेऊन आत्महत्या केल्याची घटना उघडकीस आली.
या प्रकरणाने राज्यभर मोठी खळबळ माजली आहे. गौरी यांच्या मृत्यूनंतर त्यांच्या आई-वडिलांनी दिलेल्या तक्रारीवरून अनंत गर्जे आणि त्यांच्या कुटुंबियांवर गुन्हा दाखल करण्यात आला. रविवारी मध्यरात्री वरळी पोलिसांनी अनंत गर्जे यांना अटक केली, मात्र इतर दोघांविरुद्धची कारवाई अद्याप स्पष्ट झालेली नाही. आज गर्जेंच्या घरासमोरच गौरीला शेवटचा निरोप देण्यात आला आहे.
या प्रकरणात आता महत्वाची अपडेट समोर आली आहे. पोलिसांच्या चौकशीत समजले की गौरी यांनी आत्महत्या करण्याच्या काही मिनिटांपूर्वीच त्यांचे आणि अनंत गर्जे यांचे भांडण झाले होते. चौकशीत अनंत गर्जे यांनीच हा खुलासा केल्याची माहिती पोलिस सूत्रांनी दिली. त्यामुळे या तपासाला नवं वळण मिळण्याची शक्यता आहे.
डॉ. गौरी पालवे-गर्जे यांचे पार्थिव आज अहिल्यानगरमधील पाथर्डी येथे घरासमोरच गौरीला शेवटचा निरोप देण्यात आला आहे. .गावात तणावपूर्ण वातावरण असून, गौरी यांची आत्महत्या नसून हत्या झाली असल्याचा गंभीर आरोप त्यांच्या कुटुंबीयांनी केला आहे. सखोल तपास व्हावा अशी त्यांची मागणी आहे. पार्थिव गावात पोहोचताच भावनिक वातावरण निर्माण झाले असून गर्जे आणि पालवे कुटुंबीयांमध्ये बाचाबाची झाल्याचेही समोर आले आहे.या प्रकरणातील नवे खुलासे, पोलिसांची पुढील चौकशी आणि कुटुंबीयांचे गंभीर आरोप यामुळे ही घटना आता अधिकच गुंतागुंतीची बनली आहे.
शनिवारी संध्याकाळी अनंत गर्जे हे पंकजा मुंडे यांच्या कार्यक्रमासाठी घराबाहेर पडले. त्याआधी दाम्पत्यामध्ये वाद झालेला होता. कार्यक्रमासाठी जाताना कोस्टल रोडवरून अनंत यांनी पत्नीला फोन करण्याचा प्रयत्न केला. फोन न उचलल्याने त्यांनी अनेकदा कॉल केले, परंतु गौरी यांनी कोणताही प्रतिसाद दिला नाही. त्यामुळे मनात शंका आल्याने अनंत पुन्हा घरी परतले.
घरी पोहोचल्यावर त्यांनी बेल वाजवली, दरवाजा ठोठावला, पण आतून कोणताही आवाज आला नाही. अखेर खिडकीतून पाहिल्यावर त्यांना गौरी गळफास घेतलेल्या अवस्थेत आढळल्या. हा सारा घटनाक्रम अनंत यांच्या चौकशीतून समोर आला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.