Walmik Karad : 'वाल्मिक खडा तो वो सरकारसे बडा, जेलमध्ये दिमतीला सात हवालदार', शरद पवारांच्या आमदाराचा गंभीर आरोप

Santosh Deshmukh Murder Case : वाल्मिक कराड याला पोटदुखी होत असल्याने रुग्णालायत दाखल केले होते. तेथे त्याला व्हिआयपी ट्रीटेमेंट मिळत असल्याची टीका करण्यात येत होती. त्याच्या वाॅर्डमधील रुग्णांना दुसऱ्या वाॅर्डमध्ये हलवण्यात आले होते. रुग्णालयामधून बाहेर काढलेल्या वाल्मिक कराडला आता बीडच्या मध्यवर्ती कारागृहात ठेवण्यात आले आहे.

राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी ट्विट करत म्हटले आहे की, बंदीवासात त्याच्या (जितेंद्र आव्हाड) दिमतीला सात हवालदार तैनात ठेवलेले आहेत. बीडमधील त्याच्या गँगमधील छोटे - मोठे गुन्हेगार मुद्दामहून स्वतःवर एखादा गुन्हा ओढावून घेतात अन् या गुन्हेगारांची रवानगी बीड मध्यवर्ती कारागृहात होते. बीड कारागृहात ते 'आपोआप' वाल्मिक कराडच्या जवळ पोहचतात आणि मग, रात्री मस्त मैफिल रंगत असते.

जितेंद्र आव्हाडांनी आपल्या ट्विटमध्ये पुढे म्हटले आहे की, 'एकंदरीत तो कारागृहात आहे, अशी भावनाच त्याच्या मनात निर्माण होऊ द्यायची नाही, असा निर्णय शासन दरबारी झालेला दिसतो. बाकी महाराष्ट्रात आजपर्यंत असे कधी बघितलेले नाही की, कायद्याने जामीन नाकारलेल्या इसमाला एवढे हवालदार दिमतीला तैनात केले आहेत. अर्थात, तो वाल्मिक कराड आहे... वाल्मिक खडा तो वो सरकारसे बडा! थोडी तरी लाज बाळगा'

धनंजय मुंडेंचा अडचण वाढणार?

सामाजिक कार्यकर्त्या अंजली दमानिया यांनी आज उपमुख्यमंत्री अजित पवार यांची भेट घेतली. वाल्मिक कराड यांच्यासोबत धनंजय मुंडे हे व्यावसायिक भागीदार असल्याचे अंजली दमानिया यांनी अजित पवारांना सांगितले. आपण मुंडे यांच्या विरोधात पुरावे अजित पवार यांच्याकडे दिले असून मुंडेंच्या राजीनाम्या मागणी केली आहे.