Kalyan Dombivli Municipal Election : कल्याण-डोंबिवली महापालिकेत सर्वाधिक बिनविरोध जागा भाजपच्या झाल्या, त्याच महापालिकेत भाजपच्या उमेदवारांकडून निवडणुकीत पैसे वाटण्याचा प्रकार एकनाथ शिंदे शिवसेनेने उधळून लावला. निवडणूक प्रचारादरम्यान भाजपच्या उमेदवाराने हा प्रकार केल्याने, चांगलाच गोंधळ उडाला.
एकनाथ शिंदे शिवसेनेचे उमेदवार नितीन पाटील यांच्या कार्यकर्त्यांनी हा प्रकार उघडकीस आणला. यामुळे भाजप-एकनाथ शिंदे शिवसेनेचे कार्यकर्ते यामुळे आमने-सामने आले होते. पोलिसांनी वेळीच हस्तक्षेप केल्याने मोठा अनर्थ टळला. पोलिसांनी आणि निवडणूक अधिकाऱ्यांच्या पथकाने पैशांची पाकिटांसह सुमारे 80 हजार रुपये जप्त केले. तसंच एका महिलेसह तिघांना ताब्यात घेतलं.
भाजपचे (BJP) प्रदेशाध्यक्ष रवींद्र चव्हाण यांचा बालेकिल्ला असलेली कल्याण-डोंबिवली महापालिकेत भाजपच्या 15 जागा बिनविरोध झाल्या आहेत. पण त्याच महापालिकेतील इतर भाजपचे उमेदवार प्रचारात मतदारांना प्रलोभन देत असल्याचा प्रकार एकनाथ शिंदे शिवसेना कार्यकर्त्यांनी उघडकीस आणला आहे. प्रचारादरम्यान, भाजपच्या उमेदवाराकडून मतदारांना पैशांच्या पाकिटांचे वाटप होत असल्याचे निदर्शनास आले.
एकनाथ शिंदे (Eknath Shinde) शिवसेनेचे उमेदवार नितीन पाटील यांच्या कार्यकर्त्यांनी हा प्रकार उघडकीस आणला. या सर्व प्रकाराचे चित्रीकरण एकनाथ शिंदे शिवसेनेच्या कार्यकर्त्यांनी केलं. यानंतर भाजप अन् एकनाथ शिंदे शिवसेनेचे कार्यकर्ते एकमेकांसमोर उभे राहिले. आरोप-प्रत्यारोप सुरू झाले. शिवीगाळ अन् धरपकड झाली. या प्रकाराची माहिती पोलिसांना दिल्यावर पोलिस आणि निवडणूक आयोगाचे पथक पोहोचले.
निवडणूक आयोगाच्या पथकानं पैशांची पाकिटं ताब्यात घेतली. सुमारे 15 ते 20 पाकिटं होते. त्यात प्रत्येक तीन हजार रुपये होते. प्राथमिक माहितीनुसार सुमारे 80 हजार रुपयांची रक्कम पथकाने ताब्यात घेतली. हे पैसे आपले असल्याचा दावा एका महिलेने तिथं केला. पण पाकिटांबरोबर तिथं भाजप उमेदवारांची प्रचार पत्रक होती. पोलिसांनी व निवडणूक आयोगाच्या पथकानं ते सर्व जप्त केलं.
एकनाथ शिंदे शिवसेनेचे उमेदवार नितीन पाटील यांनी आक्रमक पवित्रा घेत, भाजप पोलिसांवर दबाव टाकत असल्याचा आरोप केला. भाजपचे जिल्हाध्यक्ष नंदू परब यांनी सर्व आरोप फेटाळून लावले. तसेच पंचनामा हा घटनास्थळीच करण्याची मागणी करत, घराबाहेरच ठिय्या आंदोलन सुरू केलं . डोंबिवलीमधील पॅनल क्रमांक 29 मध्ये एकनाथ शिंदे शिवसेनाविरुद्ध भाजप, अशी मैत्रीपूर्ण लढत होत आहे. मात्र आजच्याया घटनेनंतर डोंबिवलीतील राजकारण चांगलंच तापल्याचं पाहायला मिळालं.
पोलिसांनी एका महिलेसह तिघांना या प्रकरणी ताब्यात घेतलं आहे. पोलिस ठाण्यात नेतं, तिथं घटनेची प्राथमिक नोंद घेतली. निवडणूक आयोगाचे पथक आणि पोलिस हे पैसे कोणाचे आहेत, ते कुणी आणले, कोणासाठी आणले याचा तपास करत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.