रायगडचे आमदार महेंद्र दळवी आणि मंत्री भरत गोगावले यांच्यावरील कथित "कॅश बॉम्ब" वादामुळे राज्यात मोठी खळबळ उडाली आहे.
दळवी यांनी ठाकरेंच्या शिवसेनेचे नेते आंबादास दानवे यांना कायदेशीर नोटीस पाठवून गंभीर आरोप केले आहेत.
अधिवेशनात बोलताना दळवी यांनी या प्रकरणामागे “कर्ताकर्ता तटकरेच आहेत” असा दावा करत वादाला नवे वळण दिले.
Nagpur/Raigad News : रायगड जिल्ह्यातील शिवसेना आमदार महेंद्र दळवी आणि मंत्री भरत गोगावले यांच्यावर कथित कॅश बॉम्ब फुटल्यानंतर आता राज्यात खळबळ उडाली आहे. या वादाची वात पेटवणाऱ्या ठाकरेंच्या शिवसेनेचे नेते विधानपरिषदेचे माजी विरोधी पक्ष नेते आंबादास दानवे यांच्याविरोधात दळवी यांनी नोटीस पाठवली आहे. तर तटकरेंवर जोरदार टीका करताना, या प्रकरणामागे कर्ता-करविता तटकरेच असल्याचे सिद्ध होत असल्याचा दावा देखील दळवी यांनी केला आहे. ते अधिवेशात बोलत होते.
दानवेंनी महेंद्र दळवींचा लाखो रुपये मोजतानाच व्हिडीओ पोस्ट केला होता. ज्यानंतर राज्यभर खळबळ उडाली होती. तसेच या प्रकरणाची चौकशी केली जावी अशी मागणी करताना, नगरपालिका निवडणूकीसाठी दळवी यांनी लाखो रुपयांची बंडले गोळा केली आणि नगरपालिका निवडणूकात वाटली, असा आरोप दानवे यांनी केला होता. तसेच त्यांनी, या व्हिडिओमध्ये पैशांनी भरलेली बॅग आणि नोटांचे बंडल मोजताना व्यक्ती दिसत आहे तो कोण? कोण आमदार आहे हा असा सवाल मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांना सवाल केला होता.
ज्यानंतर दळवी यांनी उत्तर देताना, हा व्हिडिओ मॉर्फ केलेला असून तो बनावट आहे. तुम्ही पूर्ण पुरावे द्या. जर मी खोटा ठरलो तर माझ्या आमदारकीचा राजीनामा देईन,' असे स्पष्टीकरण देत दानवे यांना आव्हान दळवी यांनी दिले होते. तर यामागे रायगडचेच मोठे नेते असून दानवे यांना हा व्हिडीओ त्यांनीच दिल्याचा आरोप आमदार महेंद्र थोरावेंसह दळवी यांनी केला होता. यावेळी त्यांनी राष्ट्रवादी अजित पवार पक्षाचे प्रदेशाध्यक्ष सुनील तटकरे यांच्याकडे बोट दाखवले होते. तर या आरोपावर उत्तर देताना तटकरेंनी आमदार कार्यप्रणालीवर खोचक सवाल उपस्थीत करत ते विचारवंत असल्याचा टोला लगावला होता.
आता या टोल्यावरूनच दळवी यांनी पलटवार केला आहे. त्यांनी दानवे यांना नोटीस बजावली असून त्यांची पत्रकार परीषद पाहिली जी घूमजाव करणारी आहे. पण दावे यांनी जे एखाद्या लोकप्रतिनिधीची अशी सुपारी घेवून बदनामी करणे बरोबर नसल्याचेही त्यांनी म्हटलं आहे. तसेच यामागे कर्ता-करविता हे तटकरेच असल्याचेही आता सिद्ध झाल्याचे दळवी यांनी म्हटलं आहे. नुकताच भरतशेठ यांच्याबाबात शेकापच्या चित्रलेखा पाटील यांनी जे आरोप केले त्यावेळी त्यांनी सुनील तटकरे आणि अनिकेत तटकरेंचीनावे घेतली आहेत. यावरून तर हेच सिद्ध होत आहे की तटकरे रायगडमधील शिवसेनेच्या तिन आमदारांच्या मागे लागले आहेत. तटकरेंना हे शोभणारे नाही.
दरम्यान त्यांनी दळवी हे थोर विचारवंत, महान पुरूष आहेत, अमुक-तमूक आहेत... पण ही नावे घेत असतानाही त्यांनी ज्यांनी मोठं केलं त्यांची नावे घेतली नाहीत. अशा मानसाबद्दल आपण काय बोलणार? त्यामुळे या गोष्टी सगळ्या हास्यास्पद आहेत. तर या गोष्टीमागे तटकरेच असल्याचे म्हणत शेकापचा आणि राष्ट्रवादीचा संबंध नसतानाही चित्रलेखा पाटील या तटकरेंचे नाव घेत होत्या. यावरूनच हे दिसून येत आहे की कोणत तरी बावलं उभ करून बोलायला लावलं जातयं. तटकरे प्रगब्ल नेते असूनही अशापद्धतीने बालिश बुद्धीने चेहऱ्यावर हास्य आणून बोलणे त्यांना अजिबात शोभत नाही.
त्यामुळे उगाचच एक बॉम्ब दोन बॉम्ब करू नका. आम्ही एक जरी बॉम्ब फोडला तर हे सगळेच घरी बसतील हे नक्की असा इशारा दळवी यांनी दिला आहे. तर राजकारण म्हणजे भातुकलीचा खेळ नसून दुसऱ्याला तटकरेंनी आक्कल पाजवू नये असाही सल्ला दिला आहे. तर सध्या जो व्हिडिओ फिरवला जातोय तो एआयने निर्मित असून आम्ही जर व्हिडिओ बाहेर काढला तर तटकरेंना तोंड दाखवणे अवघड जाईल अशाही गर्भीत इशारा दळवींनी दिला आहे.
FAQs :
1. कॅश बॉम्ब प्रकरण नेमके काय आहे?
रायगडमधील कथित आर्थिक गैरव्यवहाराबाबतचे आरोप ज्यामुळे राजकीय वाद निर्माण झाला आहे.
2. महेंद्र दळवी यांनी आंबादास दानवेंना नोटीस का पाठवली?
दानवे यांनी केलेल्या विधानांमुळे त्यांची प्रतिमा खराब झाल्याचा दावा करत दळवींनी नोटीस पाठवली.
3. दळवी तटकऱ्यांवर काय आरोप करतात?
या संपूर्ण प्रकरणामागे “कर्ताकर्ता तटकरेच” असल्याचा दळवींचा दावा आहे.
4. वाद अधिवेशनात का वाढला?
दळवींच्या वक्तव्यांमुळे आणि दानवेंना पाठवलेल्या नोटीसमुळे राजकीय तणाव वाढला.
5. या प्रकरणाचा पुढील राजकीय परिणाम काय होऊ शकतो?
शिवसेना गटांतील संघर्ष वाढू शकतो आणि राज्यात आणखी राजकीय आरोप-प्रत्यारोप सुरू होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.