मंडणगड पंचायत समितीचे सभापतीपद सर्वसाधारण महिलेसाठी राखीव झाले असून पुरुष उमेदवारांचा हिरमोड झाला आहे.
राजकीय पक्षांसमोर सक्षम महिला नेतृत्व उभे करण्याचे नवे आव्हान निर्माण झाले आहे.
या आरक्षणामुळे रत्नागिरीच्या राजकारणात महिलांना मोठी संधी मिळणार आहे
Ratnagiri News : रत्नागिरी जिल्हाधिकारी कार्यालयात पंचायत समिती सभापतिपदाचे आरक्षण जाहीर केले. त्यानुसार मंडणगड सभापतिपद सर्वसाधारण महिला प्रवर्गासाठी राखीव झाले. यामुळे सभापतिपदावर डोळा ठेवून व्यूहरचना करणाऱ्या पुरुष उमेदवारांची मात्र मोठी हिरमोड झाली आहे. तर आता आरक्षणानुसार या पदासाठी प्रशासकीय कारभाराची जाण असणारे सक्षम महिला नेतृत्व शोधण्याचे आव्हान राजकीय पक्षांसमोर उभे राहणार आहे.
1991 नंतरच्या मंडणगडच्या महिला सभापतिपदाचे इतिहासाचे अवलोकन करता वैशाली चोरगे, प्रिया दरिपकर, प्रेरणा घोसाळकर, अमिता शिंदे, प्रणाली चिले यांनी यापूर्वी वेगवेगळ्या कालखंडात सभापतिपदाची धुरा सांभाळली आहे. निवडणुकांचे राजकारण तालुक्यातील मोजक्या महिलांचे अवतीभोवती केंद्रित झालेले गेल्या दोन दशकात दिसून आले आहे.
त्यामुळे सभापतिपदाचे आरक्षण जाहीर झाल्यावर राजकीय पक्ष जुन्या महिला नेतृत्वास नव्याने संधी देतात की नवे महिला नेतृत्व या निवडणुकांचे अनुषंगाने राजकीय वतुर्ळातून पुढे आणले जाणार आहे याविषयी उत्सुकता आहे.
महिलांचा सन्मान करणारे सरकार राज्यात कार्यरत आहे. त्यामुळे तालुक्यातील एक महिला या निमित्ताने सभापतिपदी आरुढ होणार असल्याने त्याचा आनंद आहे. आरक्षण सोडतीमुळे पुरुष उमेदवारांचा हिरमोड झालेला नसून पुरुष महिलेच्या खांद्याला खांदा लावून काम करतील, अशी प्रतिक्रिया एकनाथ शिंदे यांच्या शिवसेनेचे स्थानिक नेते प्रताप घोसाळकर यांनी म्हटलं आहे.
प्र.१: मंडणगड पंचायत समितीचे सभापतीपद कोणासाठी राखीव झाले आहे?
उ: हे पद सर्वसाधारण महिलेसाठी राखीव झाले आहे.
प्र.२: पुरुष उमेदवारांवर याचा काय परिणाम झाला?
उ: पुरुष उमेदवारांचा हिरमोड झाला आहे.
प्र.३: यामुळे राजकीय पक्षांसमोर काय आव्हान आहे?
उ: सक्षम महिला नेतृत्व शोधणे हे मोठे आव्हान आहे.
प्र.४: हे आरक्षण रत्नागिरीच्या राजकारणावर कसा परिणाम करेल?
उ: महिलांना राजकीय संधी मिळेल आणि स्थानिक नेतृत्वात बदल होऊ शकतो.
प्र.५: पंचायत समितीचे आरक्षण किती कालावधीसाठी असते?
उ: आरक्षण प्रत्येक निवडणुकीनंतर ठराविक निकषांनुसार बदलते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.