Vaibhav Naik : 'खरे राणे असाल तर माझ्याविरूद्ध निवडणूक लढवूनच दाखवा!'

सिंधुदुर्ग : आगामी विधानसभा निवडणुकी संदर्भात आमदार वैभव नाईक यांनी केंद्रिय मंत्री नारायण राणे आणि आमदार निलेश राणे यांना जाहीर आव्हान दिले आहे. हिंमत असेल तर राणे यांनी विधानसभेत माझ्या विरोधात निवडणूक लढवूनच दाखवावी, असे खुले आव्हानच त्यांनी राणेंना दिले. यापूर्वीच मी नारायण राणेंना धूळ चारले आहे,जर तुम्ही खरे राणे असाल, तर माझ्या विरूद्ध आगामी विधानसभेला उभे राहून दाखवा, असे नाईक यांनी राणेंना डिवचले.

कुडाळामध्ये संविधान समर्थन रॅली आयोजित केली होती. यामुळे कुडाळमध्ये राजकीय पेटले आहे. वैभव नाईक हे कुडाळ पोलीस स्टेशनमध जाऊन, वादग्रस्त वक्तव्य केल्याचा आरोप करत भाजपच्या सर्व नेत्यांवर गुन्हे दाखल करण्यात यावे, अशी मागणी केली आहे. आमच्या नेत्यांवर गुन्हे दाखल केले जातात तर मग भाजपचे नेते प्रक्षोभक भाषणं करत आहेत, मात्र त्यांच्याविरोधात गुन्हे दाखल का केले जात नाहीत? असा सवाल नाईक यांनी उपस्थित केला.

भाजपकडून वैभव नाईक यांना अटक करा अशी मागणी होत आहे. तुम्ही दबावतंत्राचा वापर करणार पण तुमच्या या दडपशाहीला आम्ही भीक घालणार नाही.

माझं व्यवहार आणि माझं चारित्र्य स्वच्छ आहे, पण तरीही मला जेलमध्ये टाकण्याचा प्रयत्न झाला तरी, मी भाजपमध्ये जाणार नाही आणि मी शिवसेना कधीही सोडणार नाही. मी जेलमध्येही जाईन पण शिवसेना कधीच सोडणार नाही, अशी ठाम भूमिका वैभव नाईक यांनी घेतली.