Krishna Andhale News : मस्साजोगचे सरपंच संतोष देशमुख यांचे अपहरण करत त्यांना तीन तास मारहाण करत त्यांची हालहाल करून हत्या केली. या प्रकरणी सीआयडीने दोषारोपपत्र दाखल केले आहे. हत्या प्रकरणातील फरार आरोपी कृष्णा आंधळे याच्या विषयी धक्कादायक माहिती समोर आली आहे.
संतोष देशमुख यांना मारहाण करताना कृष्णा आंधळे याने मोकारपंती या व्हाॅट्सअप ग्रुपवर तब्बल चार वेळा व्हिडिओ काॅल केला होता. ग्रुपमधील मित्र संतोष देशमुख यांना कशी मारहाण करण्यात येत आहे, हे तो दाखवत होता.
मारहाण करताना कृष्णा आंधळेनी मोबाईल संतोष देशमुख यांच्या चेहऱ्याजवळ नेला आणि हाच तो सरपंच जो सुदर्शन भैय्याला आडवा आला होता, असे म्हटले. तसेच देशमुख यांची मारहाणीमुळे झालेली अवस्था दाखवली. ग्रुपमधील सदस्यांनी खूप मारहाण केली आहे त्यांना सोडा, असे देखील सांगितले होते.
संतोष देशमुख यांच्या मारहाणीचे आरोपींनी 15 व्हिडिओ आणि फोटो काढले. त्या व्हिडिओमध्ये संतोष देशमुख यांना मारहाण करताना 'सुदर्शन घुले हा सर्वांचा बाप आहे', असे संतोष देशमुख यांना म्हणण्यास आरोपी सांगत होते. यातून आरोपींची विकृत मानसिकता दिसून येते.
कृष्णा आंधळे यांनी संतोष देशमुख यांना मारहाण करतानाचा 10 मिनिटांमध्ये चार व्हिडिओ काॅल केले. शेवटचा व्हिडिओ काॅल तब्बल अडीज मिनिटे सुरू होता. संतोष देशमुख मारहाणीमुळे सोडून देण्याच्या याचना करत असल्याचे देखील दोषारोपपत्रात म्हटले आहे.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.