NCP SP Candidate List: मोठी बातमी! राष्ट्रवादी काँग्रेस शरदचंद्र पवार पक्षाची उमेदवार यादी जाहीर, बारामतीचाही चेहरा ठरला

Sharad Pawar NCP News: राष्ट्रवादी काँग्रेस शरदचंद्र पवार पक्षाची उमेदवार यादी जाहीर करण्यात आली आहे. पक्षाचे प्रदेशाध्यक्ष जयंत पाटील यांनी पहिल्या उमेदवार यादीत 45 उमेदवारांची घोषणा केली.

पहिल्या यादीत इस्लामपूर मतदारसंघातून जयंत पाटील, काटोल मतदारसंघातून अनिल देशमुख, राजेश पाटील, मुंब्रा कळवामधून जितेंद्र आव्हाड यांना तर, कोरेगावमधून शशिकांत शिंदे यांना तर, बसमतमधून जयप्रकाश दांडेकर, जळगाव ग्रामीणमधून गुलाबराव देवकर, इंदापूरमधून हर्षवर्धन पाटील, शिरुरमधून अशोक पवार यांना उमेदवारी जाहीर करण्यात आली आहे. तर बारामतीमधून युगेंद्र पवार यांना उमेदवारी जाहीर करण्यात आली आहे.

राष्ट्रवादी काँग्रेस पार्टी शरदचंद्र पवार पक्षाची पहिली यादी जाहीर

जयंत पाटील - इस्लामपूर

अनिल देशमुख- काटोल

राजेश टोपे- घनसावंगी

बाळासाहेब पाटील- कराड उत्तर

जितेंद्र आव्हाड- कळवा मुंब्रा

शशिकांत शिंदे - कोरेगाव

जयप्रकाश दांडेगावकर- वसमत

गुलाबराव देवकर- जळगाव ग्रामीण

हर्षवर्धन पाटील- इंदापूर

प्राजक्त तनपुरे -राहुरी

अशोकराव पवार- शिरुर

मानसिंगराव नाईक- शिराळा

सुनील भुसारा- विक्रमगड

रोहित पवार- कर्जत जामखेड

विनायकराव पाटील- अहमदपूर

राजेंद्र शिंगणे- सिंदखेडराजा

सुधाकर भालेराव- उदगीर

चंद्रकांत दानवे- भोकरदन

चरण वाघमारे- तुमसर

प्रदीप नाईक- किनवट

विजय भांबळे-जिंतूर

पृथ्वीराज साठे- केज

संदीप नाईक- बेलापूर

बापूसाहेब पठारे- वडगाव शेरी

दिलीप खोडपे- जामनेर

रोहिणी खडसे- मुक्ताईनगर

सम्राट डोंगरदिवे-मुर्तिजापूर

रविकांत बोपछे- तिरोडा

भाग्यश्री अत्राम- अहेरी

बबलू चौधरी- बदनापूर

सुभाष पवार- मुरबाड

राखी जाधव- घाटकोपर पूर्व

देवदत्त निकम- आंबेगाव

युगेंद्र पवार - बारामती

संदीप वर्पे- कोपरगाव

प्रताप ढाकणे- शेवगाव

राणी लंके- पारनेर

मेहबूब शेख- आष्टी

करमाळा-नारायण पाटील

महेश कोठे-सोलापूर शहर उत्तर

प्रशांत यादव- चिपळूण

समरजीत घाटगे - कागल

रोहित आर आर पाटील- तासगाव कवठेमहाकाळ

प्रशांत जगताप -हडपसर

पुण्यातून दोनच उमेदवार घोषित

जयंत पाटील यांनी पुण्यात पत्रकार परिषद घेत उमेदवार यादी जाहीर केली. यादीमध्ये पुण्यामधून फक्त वडगाव शेरी मतदारसंघातून बापूसाहेब पठारे यांना उमेदवारी जाहीर झाली होती. त्यामुळे पत्रकारांनी पुण्यातील इतर जागांवर उमदेवारी घोषित का नाही केली अशी विचारणार जयंत पाटील यांना केली.

त्यावेळी पुण्यातील नावांची घोषणा मुंबईतून करणार असल्याचे जयंत पाटील यांनी सांगितले. मात्र, पुण्यातील नावांविषयी आग्रह केल्यानंतर हडपसरमधून प्रशांत जगताप यांच्या उमेदवारी जाहीर केली. खडकवासला मतदारसंघातून मात्र जयंत पाटील यांनी उमेदवारी जाहीर केली नाही.

दुसरी यादीही जाहीर करणार

पहिल्या यादीमध्ये 45 उमेदवारांची घोषणा जयंत पाटील यांनी केली आहे. मात्र, दुसरी उमेदवार यादी उद्याच मुंबईतून जाहीर करण्यात येणार असल्याचे देखील जयंत पाटील यांनी जाहीर केले. त्यामुळे पहिल्या यादीत नाव नसणाऱ्या उमेदवारांना दुसऱ्या यादीत नाव असण्याची शक्यता आहे.