Municipal Elections Maharashtra : राज्यातील महापालिका निवडणुकीत बिनविरोध झालेल्या नगरसेवकांविरोधात महाराष्ट्र नवनिर्माण सेनेचे अविनाश जाधव यांनी दाखल केलेल्या याचिकेवर मुंबई उच्च न्यायालयाने निर्णय दिला आहे.
अविनाश जाधव यांची ही याचिका मुंबई उच्च न्यायालयाने फेटाळली आहे. मुंबई उच्च न्यायालयाच्या या निर्णयामुळे मनसेच्या कायदेशीर डावपेचाला धक्का बसला आहे. या याचिकेवर आज तातडीची सुनावणी झाली.
या याचिकेच्या माध्यमातून जे नगरसेवक बिनविरोध निवडून आले आहेत, त्यांच्यावर स्थगिती देण्यात यावी आणि जोपर्यंत सुनावणी पूर्ण होत नाही, तोपर्यंत स्थगिती कायम ठेवण्यात यावी, अशी मागणी मनसेचे (MNS)अविनाश जाधव यांनी केली होती. मुख्य न्यायमूर्तींच्या खंडपीठासमोर या याचिकेवर आज सुनावणी झाली. अविनाश जाधव यांची ही याचिका न्यायालयाने फेटाळली आहे.
अविनाश जाधव यांनी राज्यातील महापालिका निवडणुकांमध्ये (Municipal Election) बिनविरोध झालेल्या नगरसेवकांबाबत न्यायालयाचे लक्ष वेधलं होते. हे नगरसेवक कसे बिनविरोध झाले. तसंच मतदानात 'नोटा' हा पर्याय आहे. त्याकडे देखील त्यांनी न्यायालायचे लक्ष वेधलं होतं. 'नोटा'चा पर्याय असताना, हे बिनविरोध कसे निवडून येतात? असा प्रश्नही याचिकेत उपस्थित केला होता. परंतु न्यायालयाने अविनाश जाधव यांची ही याचिका फेटाळली आहे. यामुळे मतदानाच्या तोंडावर मनसेला हा मोठा धक्का मानला जात आहे.
राज्यातील महापालिका निवडणुकीत 66 पेक्षा जास्त नगरसेवक बिनविरोध निवडून आले आहेत. यात महायुतीमधील प्रमुख सत्ताधारी भाजपचे सर्वाधिक 44 उमेदवार आहेत. त्याखालोखाल एकनाथ शिंदे शिवसेनेचे 22 उमेदवार बिनविरोध झाले आहेत. कल्याण-डोंबिवली महापालिकेत भाजपचे सर्वाधिक 15, तर एकनाथ शिंदे शिवसेनेचे 7 उमेदवार बिनविरोध झाले आहेत. याशिवाय अजित पवार राष्ट्रवादीचे 2 उमेदवार, तर मालेगावमधून इस्लाम पक्षाचा एक आणि एका अपक्ष उमेदवाराचाही बिनविरोध विजय झाला आहे.
बिनविरोधच्या निवडीवर राज ठाकरे यांनी देखील हल्लाबोल केला होता. राज ठाकरे यांनी ठाण्याच्या सभेत यावर जोरदार भाष्य केले. 1 ते 15 कोटीपर्यंत ऑफर झाल्याची धक्कादायक माहिती त्यांनी सांगितली. बिनविरोधसाठी मनसेच्या उमेदवारांना देखील मोठ्या ऑफर्स होत्या.
शैलेश धात्रक आणि त्यांच्या कुटुंबातील तीन लोकांना एका घरात मिळून 15 कोटी रुपयाची ऑफर होती. राजश्री नाईक यांना पाच कोटीची ऑफर होती. सुशील आवटे यांना एक कोटी रुपयाची ऑफर झाली. पण त्यांनी नाकारली. ही कोणती महाराष्ट्राची निवडणूक आहे? 15 कोटी रुपयाची ऑफर नाकारणारे कुठे अन् पाच पाच हजार रुपयांमध्ये मत विकणारे कुठे? असा सवाल राज ठाकरेंनी उपस्थित केला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.